亞參雞飯 (康怡廣場北座)

營業中

休息中

食lunch時間周圍都排晒隊，見到好似food Court咁嘅太興集團，一入去就見到有幾間選擇.間間都排晒隊，見到亞參雞飯有啲想試，排隊試吓！冇諗過佢哋嘅入客速度咁快，我諗大概都係等咗8分鐘左右，已經輪到我，啲員工好有禮貌帶我入座，同我講可以QR code落單或者佢哋都可以幫忙落單，坐低梗係試佢哋嘅招牌，「無骨海南雞飯」 確實好有驚喜，啲雞肉好滑，啖啖肉，最緊要佢唔肥，同埋佢碗湯都好正，我覺得碗飯都好出色，香而不膩！最值得表揚，係佢哋嘅服務態度，朝氣勃勃，做嘢好有衝勁，佢哋全女班又靚女服務態度又好，一見有客人舉手，都會即刻過去跟進客人要求！值得表揚！非常值得推介嘅一間餐廳！