亞參雞飯 (康怡廣場北座)

營業中

休息中

食lunch時間周圍都排晒隊，見到好似food Court咁嘅太興集團，一入去就見到有幾間選擇.間間都排晒隊，見到亞參雞飯有啲想試，排隊試吓！冇諗過佢哋嘅入客速度咁快，我諗大概都係等咗8分鐘左右，已經輪到我，啲員工好有禮貌帶我入座，同我講可以QR code落單或者佢哋都可以幫忙落單，坐低梗係試佢哋嘅招牌，「無骨海南雞飯」 確實好有驚喜，啲雞肉好滑，啖啖肉，最緊要佢唔肥，同埋佢碗湯都好正，我覺得碗飯都好出色，香而不膩！最值得表揚，係佢哋嘅服務態度，朝氣勃勃，做嘢好有衝勁，佢哋全女班又靚女服務態度又好，一見有客人舉手，都會即刻過去跟進客人要求！值得表揚！非常值得推介嘅一間餐廳！

休息行完街肚餓，搵地方食下午茶，好耐冇黎asam. 今日唔係好肚餓，想試吓佢哋個下午茶餐，未行到門口，已經見到笑容滿面嘅店長 ，羅小姐，佢介紹有下午茶餐好抵食，我點左咖央多士，熱薏米水，哇，又脆又好好味😋雖然有少少邪惡，因為佢係擦咖央醬加一大塊牛油，好正👍 杯薏米水都好好飲。我見到店長服務態度好好，會及時關注客人的需求，值得稱讚👍我會介紹多啲朋友過嚟幫襯！👏

上星期同幾個同事去太古食lunch，十五十六之際，經過亞參見有位新嚟培訓中嘅靚女侍應同我哋講（而家落單八五折喎）。反正一段時間冇去過，又鍾意食亞參嘅海南雞，就入去食啦。靚女再解釋我哋聽12:30前埋單就有八五折，但係我哋得番四個字時間驚唔夠，佢話只要我哋埋咗單可以繼續食的，當時覺得好感激，即刻話唔該晒。反正有八五折梗係叫多幾個小食一齊食啦！重點係一定會食至愛海南雞，正👍！咁我哋都知情識趣嘅，見有人等位就讓比其他人座。其實靚女好醒目，見佢做嘢好快手，又有禮貌。聽靚女講優惠做到四月尾，就算有冇優惠，我都會再嚟嘅，真心好食😋

康怡廣場有三間相連的餐廳，敏華，亞參及靠得住，下午茶時間，被門口餐牌吸引，便進入去吃個下午茶。走過一條長廊，見到了亞参，坐滿了人，好不容易找到了一個卡位坐下原本想叫红茄參巴醬鴨腿蛋麪，但女服務員告知是辣的，建議我改吃雞絲湯河雞絲湯河味道不錯，全日不收加一，下午茶更有杯餐飲，經濟實惠，抵食

新年唔知食咩好揀左呢間好似未食過嘅ASAM鍾意食海南雞飯賣相不錯重點 原來可以選$49 有3款小食如果胃口細 又想試下幾款不同嘅食物都可以獨立order下午茶時間 2點至5:30可以食個早晚餐 都係唔錯嘅選擇👍

每次經過康怡廣場，見到同一集團的敏華，靠得住同亞參三間餐廳並排，就好想入去試下。今日終於得嘗所願，在下午茶時間試到亞參嘅海南雞飯。敏華在最前，走一條好長嘅走廊，差不多走到最尾才見到亞參。下午茶比正價平好多，份量當然少，無餐湯供應，但有餐飲，雞雖然祇得幾塊，但雞肉入口嫩滑，味道唔錯，個都好好食，好快清碟。意猶未盡，再叫咗一個斑蘭咖央多士，多士烘得幾脆，配合牛油，不過好邪惡食完要行多幾個圈減肥。這裏無加一，埋單合共73元。

不嬲都係亞參嘅忠實fans，今日同老公去太古行街，肚餓搵嘢食，我又掛住亞參，當然要幫襯亞參啦，原來佢哋推出左咗新產品「藥膳豬骨煲」哇🙀 個套餐抵到。。咁，二百零蚊可以有咁多嘢食，抵到爛啦 ，我要同我啲friend分享吓呢個好消息先～🤣

今日係太古行街，突然想吃星馬菜，選擇了康怡分店亞參就餐，一入來服務員都好熱情招待我，我點左一碗喇沙，裏邊有蝦有豆卜有鸡蛋，湯底濃郁，適合鍾意食辣野既人，同埋好推薦香茅薄荷飲品好解渴

前幾天下午經過康怡廣場亞參雞飯，走入去諗住食個下午茶，見到餐牌都好多下午茶可以選擇，於是就決定點個下午茶咖吔多士加一杯斑蘭咖啡飲飲試試，好有驚喜，咖吔多士好脆，加上牛油及咖吔，再加上一杯咖啡，簡直係絕配，而且價錢性價比又好實惠，下次一定要試吓其他下午茶

今日行得攰攰地，見康怡多間食肆排長龍，越行越遠，最尾去到間亞參坐低食個遲來的午飯。入到去叫咗個海南雞飯阿女至愛，標準味道沒驚喜。順手叫個下午茶的班蘭咖吔多士，出奇地好食，可能因為我太鍾意食牛油😘。但係為咗健健康康食個馬拉盞通菜，就出奇地清淡完全冇馬拉盞味，佢都有良心放返啲醬喺碟菜旁邊都有得點吓！最估唔到最出色竟然係個煎蝦餅可能係新鮮煎出嚟特別好食。

今日放假行街啦，之後經過康怡亞參雞飯嗰度就上去食個飯啦之後呢，嗰啲侍應會好快呢帶咗我去一人嘅餐枱嗰度服務態度都算有禮貌我落咗肉骨茶同埋一杯嘢飲，但嗰個肉骨茶有陣藥材味，我同服務員港‘’可唔可以同我換返其他食物？因為我食唔倒嗰個藥材味‘服務員’應承下可以，之後就換咗一個海南雞飯啦海南雞飯都好好味扭計唔會俾面色我睇我知道咁樣嘅嘢係唔係幾好，但係佢哋都好樂意地幫我都好多謝佢哋

星期二我帶住我細佬去太古康怡嗰度玩，我哋行攰咗睇到依間亞參雞飯，一行到門口嗰個員工睇到我哋即刻帶我哋去搵個卡位俾我哋坐，問我哋要唔要水，食飯嗰陣時細佬唔小心倒瀉咗杯柠茶，服務員睇到立即走過來問有冇事，並且同我哋講要唔要換咗杯柠茶俾返我，態度好到我都唔好意思，所以我要贊下

今日行開太古，肚餓搵地方醫肚，一直好鍾意食星馬菜嘅我，一直都有幫襯開銅鑼灣嘅亞參雞飯，佢哋嘅王牌海南雞飯超正，我今次試吓太古呢間分店，不過今次就唔試海南雞啦，試吓亞參豬手飯，可能係食飯時間，都排隊，但入客速度非常之快。都係等咗5分鐘左右，見到啲服務員做嘢非常有效率，態度非常唔錯，帶位入座都有同客人講，可以ORCode落單或者搵佢地幫忙落單都可以，很是窩心呀！講返豬手飯，好好味😋 又淋又香，下次再試吓其他野食先～

前幾日帶我的小朋友出來食飯，入亞參食，我點了一個豬手飯和兩個小食和一杯拉茶，豬手飯好糯唔硬巧好味，我個小朋友唔小心倒瀉一杯飲品，有個女職員即刻上前幫我處理並補回飲品，並問小朋友有沒有倒係身上，希望呢間公司可以賺大錢

我从内地来香港旅游，发现这里藏着一家星马菜，逛街随缘逛到了康怡广场，就进来了这边 ，这边很大，什么餐厅都有，进来之后选择了亚参鸡饭吃，环境坐的舒服食物平价，好吃不贵