稻埕飯店 (V Point) (已結業)

約咗朋友去銅鑼灣行街，就想試下呢一間台灣餐廳， 一入到去，裝修好靚，好有格調，而且環境衛生， 侍應服務周到。我哋叫咗幾個餐， 第一個係古早味佛跳牆， 佛跳牆入面材料好豐富喎，又有鮑魚，魚翅，花膠，豬肉， 海參，明目魚，份量都好多， 真係好足料， 而且都好好味，鮑魚彈牙，海參軟淋，魚翅膠口，而且個湯好濃味，所有食材嘅精華都落曬個湯裏面，飲落去味道好濃厚， 好順口，令人不禁一啖接一啖，而餐所配的神品巨峰烏龍茶，入口順滑，烏龍味唔會搶過提子的味道。第二個餐係台灣海山醬油炒松阪豬配飯， 嚟到賣相好吸引，份量都好多，松阪豬彈牙，豬肉味濃，配上小小蕃茄甜味， 同菇一齊炒， 個口感更加上一個層次，跟餐飲品一杯神品高山珍青綠茶，清雅自然的味道， 餘韻無窮。同行朋友都嗌咗個牛肉麵，同商務套餐，賣相都睇落好吸引，下次都一定返去再試下其他款式。