巨昇冰室

營業中

休息中

游完水好肚餓，喺附近搵下午茶食 。五點半仲可以叫下午茶，由四十幾蚊起，就可以叫到大大碟嘅下午茶，選擇好多 。當然要食番一隻炸雞髀配薯角 新鮮即炸唔係重覆再炸，皮脆肉嫩，所以等候係值得嘅。服務員姐姐推介晚餐蟲草花蒸雞，一上碟比份量嚇親，好多雞肉 最鍾意冇味精，啖啖雞肉好滑好清甜 。晚餐仲可以追加一碟油菜，健康又抵食。另外朋友食咗一個滑蛋牛肉飯，大大碟，男士一定夠飽。牛肉切薄片好鬆軟。另外值得一讚呢一度嘅紅豆冰，紅豆軟綿綿煲到好林，成杯都用咗椰汁奶，真係真材實料。