腸粉皇

平時經過呢條克街，兩邊都有好幾間食肆，兩餸飯、cafe、小食店、糖水店都有，人流是有的，但呢條街的食肆唔係間間都做得住，眼見執咗一間又一間，留得低都係實力餐廳。

離奇的轉角呢間腸粉皇，經常人頭湧湧，無論中午放飯，或者收工，都有唔少附近返工返學的人買腸粉食，有啲揸住隻碟喺隔離食，有啲攞走買返公司食。

腸粉四條+5粒燒賣，成為$10，以為唔夠飽，其實都幾飽，腸粉加醬汁，熱辣辣一碟，腸粉滑捋捋，燒賣又有咬口，食落不知幾滋味，食嘅除咗係童年回憶，仲有街頭小吃那種感覺，難怪咁多忠實fans。

腸粉加燒賣

$16

1

4