腸粉皇

營業中

休息中

灣仔腸粉皇以經濟實惠的混醬腸粉聞名，$10即可品嚐四條即點即剪的腸粉，米漿現蒸呈現薄透滑嫩口感，米香濃郁且帶彈性。最大特色在於「醬料自由」——顧客可依喜好添加豉油、甜醬、麻醬、辣椒醬與芝麻，其中自家調製的芝麻醬香氣濃郁，搭配炸蒜與芫茜更添層次，甜鹹交織的風味被食客形容為「惹味」。腸粉維持傳統街邊小食風格，常需站立於店前快速享用，充滿地道市井氛圍。除了招牌腸粉，其燒賣以魚漿製成內餡，外皮薄透且口感彈牙，常與腸粉組成$22三合一套餐（含5粒燒賣與5粒魚蛋）。咖喱魚蛋則以香辣濃郁見稱，醬汁淋得大方不手軟。店家從清晨營業至深夜，午市與宵夜時段總見人潮，成為灣仔打工族與學生黨的平民美食首選。Wan Chai’s Intestine Noodle King is renowned for its affordable mixed sauce rice noodle rolls, offering a thin, tender texture with a rich rice aroma. Customers can customize their sauce, with the homemade

一早已經知道IVE附近有好多小食店，腸粉皇好出名，優錢實惠，如果想食燒賣，店鋪標明用金龍燒賣，一份早餐$10/4條腸粉，想要多1條就加多2蚊配搭燒賣，牛肉或魚蛋都可以，仲有印尼撈麵可以選擇$16腸粉加5粒燒賣，平日的早上都需要排隊腸粉即點即剪，而且每種醬料落得好足，腸粉入口好滑，唔會一團團，豉油有少少鹹，建議落少少就足夠，腸粉上加上芝麻，帶一點香留意番，如果外賣的話，會收取外賣盒$1，可以自備食物盒

今日得閒，行到街邊，見到呢間店好多人排隊。叫咗一個魚蛋燒賣豬腸粉三拼，仲加咗我最鍾意嘅甜辣醬。豬腸粉晶瑩剔透，上面鋪滿咗圓滾滾嘅魚蛋同整齊排列嘅燒賣，再加埋甜辣醬，真係睇到我口水都要流出嚟🤤。豬腸粉口感煙韌彈牙，米香濃郁，同甜辣醬嘅味道完美融合，唔會太辣，又有甜甜嘅味道。魚蛋爽口彈牙，咬落去仲有啲汁流出嚟，魚味十足。至於燒賣，餡料豐富，。呢個魚蛋燒賣豬腸粉三拼真係好抵食，同埋熱鬧嘅店內環境同親切嘅服務，呢次食得好滿足😋

🥢【混醬腸粉燒賣魚蛋】/ $20麻醬我覺得還OK，近排熱氣唔會好重口。燒賣有魚肉味且煙韌。三樣嘢最正係魚蛋😂魚蛋。吸左好多咖哩味爽口彈牙就好正。質數都OK，雖然凍品吓但係20蚊算係咁喇。🥢【混醬腸粉】/ $10腸粉有口感且夠滑，加埋豉油麻醬甜醬嘅味真係好正。 我中意咬口亦唔會令醬料浸到冇晒口感嘅。

🌶 佳餚菜名: 大家都是來排隊買腸粉，10元有4條已經一大碟，絕對夠飽。 大吃啲可以加牛肉丸/燒賣，燒賣可以試試看。 🍳價錢:10-20港元 ⭐好味TIPS:腸粉，醬油略鹹了些，建議叫店家小放酱酒，多加芝麻味道更加香。 縱然雨天還是需要排隊，幸好排隊時間通常不長，順路經過可以前來試試，價格便宜。 如果是專程到來的個人認為沒有這個必要。 #港式小吃#我的乾飯日記#好吃不貴經濟實惠寶藏美食#在路邊攤感受人間煙火#路邊攤美味#小吃#本地寶藏美食#發現一家寶藏小店#本地人推薦的地道小吃 #這家店回頭客超多想吃你就來

今日喺附近睇醫生，跟住行返落嚟摩理臣山游泳池，下邊就見到呢一間小店，就決定喺食飯之前食少少嘢，見到呢一間小店竟然有條人龍，就決定試吓係咪真係咁好食🙈 魚蛋燒賣，$10/8粒，再加一個撈麵$8，總數就係$28，可以揀兩種唔同嘅燒賣，我就梗係揀咗最鍾意食嘅金龍燒賣，金龍燒賣比較煙靭，而且魚味比較香，我就非常鍾意呢一個燒賣，再加埋豉油同埋辣椒油，簡直係配搭好好，魚蛋都非常彈牙，略嫌未到唔夠辣，營多撈麵$8個都係正常嘅價錢，所以整體我覺得價錢嚟講合理，味道亦都係正常！🙈🙈

其實港島真係比較少有質數比較好嘅腸粉，通常想食唯有幫襯兩間大型連鎖便利店，但味道當然。。。昨天路經灣仔，專登去腸粉皇幫襯，賣10蚊腸粉有4條，外賣兜加你一蚊，即係11蚊，回家途中一直好想食😂返到屋企，9秒9開嚟食，omg….咁硬嘅？咁嚡嘅？啲醬料淡咗咁多嘅？我係咪買錯第二間？唔知係蒸唔透定轉左貨源，總之同之前好唔同🥲點解會咁🤦🏻‍♀️🤦🏻今次唔好意思，以事論事，直接負評，好多年冇食過咁嘅質素腸粉🥲

叫咗三合一。腸粉係好食嘅，加埋啲醬非常滋味。但魚蛋燒賣只係微暖。魚蛋死實無脹過，只覺係揾暖水浸過。燒賣直頭喺我面前加入蒸爐，三分鐘唔夠就夾畀我，少少脹都無，只覺剛解凍。下次只會買腸粉食，其他無第二次。

好耐冇食過腸粉皇，以前一直覺得佢啲嘢不過不失，耐唔耐食吓過吓口癮。今日再食覺得原來香港嘅腸粉同燒賣真係好好食，呢種味道喺第二度真係食唔到。燒賣皮薄，魚肉夠彈牙，腸粉夠滑，加埋豉油麻醬甜醬嘅配搭，全部都係傳統嘅味道。正！

心血來潮好想食返兒時感覺嘅混醬腸粉同燒賣魚蛋決定去灣仔頗有名氣嘅腸粉皇.🛎️腸粉腸粉煙靭 有口感 我喜歡這咬口亦唔會比醬料浸到冇晒口感醬料有齊甜醬辣醬芝麻醬雖然我要小辣 的確唔會好辣但辣味仍然遮蓋了甜醬和芝麻醬的味道感覺甜醬芝麻醬都略少下次一定要多甜醬和芝麻醬 🛎️魚蛋魚蛋係小時候街邊魚蛋硬實質感如果咖喱味可更濃烈會更好畢竟這裏不是出名魚蛋🛎️燒賣燒賣正常質素 起碼不會有強烈麵粉味道總結： 這家的腸粉質素比坊間一般的好但不至於很驚艷 非吃不可而甜醬麻醬比例真的較少下次我會試試旁邊那間辣嗎？比較一下呢服務👨🏻‍🍳 正常街邊檔風格衛生🛁 店主叫店員用餐碟按壓垃圾 所以不會堂食 外賣好了環境🏡 這條街有好幾家外賣店 店門前地方尚算寛落...🛎️ 混醬腸粉 $10 / 4條🛎️ 魚蛋併燒賣 $10 /各4粒

相約朋友一起食早餐，大家都覺得食腸粉、燒賣都係一個不錯嘅選擇。與一眾網民嘅心態一樣，第一時間上網搵吓有邊間嘅食評比較有人氣。。。。此時，腸粉皇就在眼前閃出✨就食評及評分都是令我們覺得應該一試。第二日早上就即刻朝聖都有一定名氣嘅腸粉店。在15分鐘內，我們就滿心期待地打開個盒，看見腸粉醬都有啲吸引，食指大動。一口咬下腸粉。。。。比想像中硬，而且表面質感粗糙（不禁自問，我食梗人氣腸粉）。燒賣還可以，畢竟是金龍貨色。至於咖哩魚蛋，沒有咖哩香味及辛辣感。魚蛋不爽又不淋。整體食後感為一盒能令你由早餐飽足到午餐嘅腸粉、燒賣及魚蛋，但不要帶有期望。

小時候在灣仔讀小學，所以對灣仔活道附近的美食分佈和變化都有一定的認識！原本這條街有幾檔賣腸粉，通常我都是買外賣回家吃，今次特登在街上吃，主要想感受一下小時後吃腸粉的感覺，這裏還是用碟在上面放油紙載着腸粉，不是用即用膠兜，感覺返晒嚟！😂😂👍價錢是$8 四條，加$6有豆漿飲😻😍😂突然間覺得自己係學生😂🤣🤣🤣好有回憶ar！雖然這些腸粉，我覺是交貨來的，但最緊要新鮮熱辣同埋平👍👍👍我覺得想食街頭小食一定要去灣仔呢條街👍腸粉皇 灣仔灣仔道

朝早返工，諗緊買咩早餐返公司食，經過呢一間見到好多人排隊就試下，一間小小嘅店舖，有3個職員，一個負責整嘢食的客人，一個負責Pack 野食，一個負責收錢，好有效率，落單俾錢去到比完野食，5分鐘都唔洗，趕時間嘅話一流，最後叫咗一個腸粉食，腸粉好滑，仲可以多醬，正

腸粉只是一般貨色, 一定唔會好似深水埗合泰益或粉嶺四眼仔那麼滑, 致命傷係叫多醬都係唔夠醬, 你見咗幾間出名腸粉真係好多醬, 就算腸粉唔滑醬汁都會令到佢好滑, 魚蛋仲普通冇味道, 燒賣叫好食啲, 都係普普通通名過於實

店名: 腸粉皇地址: 灣仔灣仔道177-179號保和大廈地下D舖灣仔站A3出口，行6分鐘環境: 3/5價錢:4.5/5味道: 4/5上次無試到腸粉皇，今次就試下佢哋嘅腸粉魚蛋燒賣全餐啦混醬腸粉燒賣魚蛋❤️❤️❤️$20腸粉食落比辣嗎?美食嘅更硬身，要睇大家鍾意邊個質地，我就鍾意辣嗎?美食嘅多啲了麻醬味無話好濃，唔多有味☹️辣醬食落無咩辣味，就算額外再加同樣無咩果亦有後勁😖燒賣算有魚肉味，都煙韌，2間質數差唔多魚蛋吸左好多咖哩味，而且爽口彈牙🤩3樣入樣最好食係魚蛋😂總括嚟講，想食燒賣腸粉嘅我會揀翻辣嗎?美食🙈同佢排隊嘅人潮明顯多過腸粉皇好多🤨#stitchfoodie灣仔#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe #香港越南菜