MUTA Restaurant by ATUM (已結業)

之前系網上見好多人介紹呢間餐廳，以西日菜為主。餐廳位於尖沙咀美麗華商場，木系風格裝修，空間幾大又多座位，約fd 食飯夠方便！海老濃湯意大利麵 $168初初以為系湯意粉，原來系一個濃湯汁既意粉，呢款意粉會比較多汁，濃湯汁好香濃蝦味，意粉好快吸收哂d濃湯汁。另外會有4隻大虎蝦，蝦肉都爽口彈牙。和風醬油蜂蜜烤三文魚 配紫菜牛油果醬 $188睇落貌相一般既三文魚，竟然系全餐最好食既食物！餐廳會安排三文魚烤至6-7成熟，所以魚肉口感好軟嫩，魚肉完全吸哂和風醬油蜂蜜，食落好香蜜糖味，有少少甜味。三文魚底下配有紫菜牛油果醬，夾埋一齊食可以減低咸甜味，味道會更fresh。明太子雞翼 配七味蛋黃醬 $784隻脹卜卜既明太子雞翼，明太子會有少少辣，炸得香脆。法式奶油多士 $118French toast有4件，多士沾滿蛋漿，好香濃雞蛋味、質感好軟熟，配上鮮果、楓糖漿同鮮奶油一齊食，好滿足！特別一提鮮奶油口感好幼滑輕盈，有別於一般既cream。