影片
更多
2023-03-17
190 瀏覽
佐敦食店林林總總，而有質素又有特色的Café亦為數不少。.最近留意到呢間開正彌敦道開業冇耐的Café，見到店內裝修走型格風，亦被門前餐牌上的食物款式吸引，所以呢晚決定嚟試試。.餐湯：奶油南瓜湯，好香濃好滑，入口有啖啖南瓜蓉，好飲！主菜1：慢煮雞胸配香草醬蝴蝶粉雞胸軟滑，蝴蝶粉煮得夠入味，香草醬好香濃，如果蝴蝶粉煮得再彈牙一d會更好！主菜2：玉子燒全日早餐試過好多不同餐廳的All-day breakfast，見呢度主打玉子燒，而有玉子燒的All-day好少地方食到，所以點都要試下(其實原本我叫的係輕量版，係冇豬肉腸同南瓜薯餅的，諗住已經比較夜食飯想冇咁heavy，但後尾比錯咗個正常版比我，我見反正都整咗而且老公話佢可以食到，所以就冇叫侍應換。).首先，玉子燒都幾厚身，同埋蛋都幾香蛋味幾濃，的確係重點所在！其他材料仲有香草豬肉腸、南瓜薯餅、青瓜沙律菜、炒雜菌同埋酸種麵包。香草豬肉腸都幾大條，南瓜薯餅味道亦唔錯又唔會滿口油。不過稍嫌整體份量偏少，以$158來講相比其他餐廳實在貴咗d。飲品：餐飲可以揀$42或以下飲品，我揀咗「薑黃爺爺」即薑黃檸檬薑茶。雖然知道只係用茶包，但唔係求其用隻普通杯放
.
最近留意到呢間開正彌敦道開業冇耐的Café，見到店內裝修走型格風，亦被門前餐牌上的食物款式吸引，所以呢晚決定嚟試試。
.
餐湯：奶油南瓜湯，好香濃好滑，入口有啖啖南瓜蓉，好飲！
主菜1：慢煮雞胸配香草醬蝴蝶粉
雞胸軟滑，蝴蝶粉煮得夠入味，香草醬好香濃，如果蝴蝶粉煮得再彈牙一d會更好！
主菜2：玉子燒全日早餐
試過好多不同餐廳的All-day breakfast，見呢度主打玉子燒，而有玉子燒的All-day好少地方食到，所以點都要試下
(其實原本我叫的係輕量版，係冇豬肉腸同南瓜薯餅的，諗住已經比較夜食飯想冇咁heavy，但後尾比錯咗個正常版比我，我見反正都整咗而且老公話佢可以食到，所以就冇叫侍應換。)
.
首先，玉子燒都幾厚身，同埋蛋都幾香蛋味幾濃，的確係重點所在！
其他材料仲有香草豬肉腸、南瓜薯餅、青瓜沙律菜、炒雜菌同埋酸種麵包。香草豬肉腸都幾大條，南瓜薯餅味道亦唔錯又唔會滿口油。不過稍嫌整體份量偏少，以$158來講相比其他餐廳實在貴咗d。
飲品：餐飲可以揀$42或以下飲品，我揀咗「薑黃爺爺」即薑黃檸檬薑茶。雖然知道只係用茶包，但唔係求其用隻普通杯放個茶包入去嗰種，而係成set tea set咁比你自己倒，成個感覺馬上升呢咗
另一杯係加錢的Dirty，味道都ok唔算有咩驚喜。
最想讚的其實係呢度的服務。有位年輕女侍應非常有禮又有笑容，見我地揀食物同飲品時有少少苦惱，佢會主動上前同我地介紹。
份全日早餐佢唔肯定係自己落錯單定廚房出錯餐，但埋單時佢主動話收返我地輕量版的價錢 (其實我地都冇要求)，所以睇得出佢地待客態度有熱誠，值得下次再幫襯！
張貼
