Homeland (東昌街) (已結業)

今日同媽咪嚟到大埔呢間餐廳撐枱腳！🦞龍蝦湯好正，濃郁同好creamy，餐廳落重手，有好多隻蝦仔，肉質鮮嫩，暖胃之後開始食主菜😆🍝63度溫泉蛋卡邦尼意粉意粉係手工架，同比其他意粉比較肥啲，口感好彈牙，配埋帕瑪森起司嘅香味同蛋汁，食落好有層次感! 🐖🍎伊比利亞豬肩肉搭配蘋果蓉跟薯蓉可以揀全熟或者慢煮嘅8成熟，我揀咗慢煮。豬肉肥瘦適中，煮得好入味，肉質鮮嫩多汁。蘋果蓉甜中帶酸，同豬肉嘅鹹味形成咗完美嘅味道平衡，真係好正啊。🦪蒜香辣味炒蜆簡單但係好味。蜆肉鮮嫩、多汁，配上蒜香同埋微辣嘅調味，食落好過癮。餐飲方面我哋叫左花茶同熱朱古力奶！好滿足嘅一餐😁