影片
更多
2022-06-24
50 瀏覽
唔知大家記唔記得之前已經介紹過哩間餐廳，今次係我既二訪，仲約埋一班朋友👭🏻👭🏻試試佢其他菜式，誓要試哂成個MENU咁話。點左好多新野，非常滿足😋，唔想錯過就馬上睇下今次食左咩喇。黑松露薯條 $68薯條🍟係長幼身，炸得好香脆，面頭曬左紅椒粉，但唔辣既。個黑松露醬係少少稀身，但都帶陣陣黑松露味，只係偏微微酸。煙燻迷迭香雞翼 $78店員上台後會點著鍋蓋插住既迷迭香，打開蓋之後，香氣迅速撲鼻而來。同一般既雞翼唔同，除左本身雞翼🐤有迷迭香既味道，多左陣煙燻迷迭香既香味，簡直雙重既享受。西班牙風味鮮海蝦蛋餅 $68哩個就比較失色，海蝦🦐係細細隻，份量唔多而分佈都麻麻地唔夠平均。而重點係蛋餅比較老，好似少少過火。至於味道就帶少少辣🌶，都幾惹味。芝士煙肉薯泥熱鍋 $68滿滿既一層芝士🧀，薯泥都夠滑，混左煙肉🥓有啲咸香同油份，唔錯唔錯。蟹肉忌廉意大利飯 $178哩個係晚市套餐之一，配左餐湯同蒜蓉包🧄🥖。蟹肉放係飯中間，望落好似炸過咁。拌勻之後，蟹味🦀加上忌廉意大利飯配合得好好，係啲蟹肉會變到好似肉鬆有啲乾。杜洛克豬肉眼扒 $198係是日晚餐既精選推介，杜洛克豬🐷係一種豬既品種，近年都好受大眾歡迎，因為一
黑松露薯條 $68
薯條🍟係長幼身，炸得好香脆，面頭曬左紅椒粉，但唔辣既。個黑松露醬係少少稀身，但都帶陣陣黑松露味，只係偏微微酸。
煙燻迷迭香雞翼 $78
店員上台後會點著鍋蓋插住既迷迭香，打開蓋之後，香氣迅速撲鼻而來。同一般既雞翼唔同，除左本身雞翼🐤有迷迭香既味道，多左陣煙燻迷迭香既香味，簡直雙重既享受。
西班牙風味鮮海蝦蛋餅 $68
哩個就比較失色，海蝦🦐係細細隻，份量唔多而分佈都麻麻地唔夠平均。而重點係蛋餅比較老，好似少少過火。至於味道就帶少少辣🌶，都幾惹味。
芝士煙肉薯泥熱鍋 $68
滿滿既一層芝士🧀，薯泥都夠滑，混左煙肉🥓有啲咸香同油份，唔錯唔錯。
蟹肉忌廉意大利飯 $178
哩個係晚市套餐之一，配左餐湯同蒜蓉包🧄🥖。蟹肉放係飯中間，望落好似炸過咁。拌勻之後，蟹味🦀加上忌廉意大利飯配合得好好，係啲蟹肉會變到好似肉鬆有啲乾。
杜洛克豬肉眼扒 $198
係是日晚餐既精選推介，杜洛克豬🐷係一種豬既品種，近年都好受大眾歡迎，因為一個凍肉品牌既傳入。講返個主菜先，煎既熟度岩岩好，係本身比較多筋，口感一般。值得一提係個配菜薯泥配上一個🍄野菌忌廉汁，好好味。
黑松露卡邦尼長通粉 $118
中間放左少少黑松露醬，攪拌之後黑松露味唔算好出，反而卡邦尼既芝士🧀同煙肉味🥓更搶。但整體以卡邦尼黎講，都係一個好味合格既卡邦尼。
鐵板朱古力布朗尼配雲尼拿雪糕 $88
朱古力🍫布朗尼比我想像中無咁實，似蛋糕質感偏多，係乾啲既蛋糕，但配上醬汁同雪糕🍨，佢就迅瞬間補濕，係幾得意既。
法式焦糖蘋果吐司 $78
佢既醬係雜莓加上焦糖，酸酸甜甜咁，係焦糖有啲燶帶少少苦，但都好有誠意。🍞吐司煎得微微焦香，入面就仲濕潤，仲有些少蛋香味。蘋果🍎就煮到仲有少許爽口，唔係淋哂，夾埋一齊食就多啲口感。
羅勒士多啤梨沙冰 跟餐+$38
佢係加左奶既沙冰🍓，感覺上會似奶昔多啲，同埋甜左啲。
張貼
