影片
更多
2016-05-01
1844 瀏覽
想試温野菜一段時間，但打電話又book 唔到位。今日咁啱喺樓上剪髮...機會來了！於是剪髮前6:00 PM 我地攞定張飛諗住搏下walk-in 。剪完髮7:20PM, 好彩只過咗三張飛，要我地等返兩張枱就可以了。咁啱有張枱cancel, 8:00PM 終於輪到我地了（否則不能想像等到幾時呀...!!!)餐牌內容超豐富，花多眼亂，用咗好一段時間消化！好在職員細心講解同埋介紹食材同湯底。我地唔想煩於是每人都點了個set! 值得一讚係呢個小碗有個隔湯的設計，可幫食物隔走過多的湯汁。枱上亦有touch screen 方便請waiter 加湯加茶等。不過基本上無乜作用，我地兩個人雖然坐四人卡位但因太多食物，呢個screen 大部份時間都比啲碟蓋住咗難以用到。直接叫waiter 好過。有好多不同的火鍋set。基本上每set 都包小食，牛，自選蔬菜同火鍋配料，飲品。由每位$200+ 起跳（那些是沒有和牛的）。我地最後選擇點了這$528 一人前set (牛肉包括佐賀A5 黑毛和牛同熊本豚肉）有超級多的自選火鍋湯底，而且是一人一鍋的。好處是女士可以選美顏柚子collagen湯底，男士又唔使刻意遷就，可自
今日咁啱喺樓上剪髮...機會來了！於是剪髮前6:00 PM 我地攞定張飛諗住搏下walk-in 。
剪完髮7:20PM, 好彩只過咗三張飛，要我地等返兩張枱就可以了。咁啱有張枱cancel, 8:00PM 終於輪到我地了（否則不能想像等到幾時呀...!!!)
餐牌內容超豐富，花多眼亂，用咗好一段時間消化！好在職員細心講解同埋介紹食材同湯底。我地唔想煩於是每人都點了個set!
值得一讚係呢個小碗有個隔湯的設計，可幫食物隔走過多的湯汁。
枱上亦有touch screen 方便請waiter 加湯加茶等。不過基本上無乜作用，我地兩個人雖然坐四人卡位但因太多食物，呢個screen 大部份時間都比啲碟蓋住咗難以用到。直接叫waiter 好過。有好多不同的火鍋set。基本上每set 都包小食，牛，自選蔬菜同火鍋配料，飲品。由每位$200+ 起跳（那些是沒有和牛的）。
我地最後選擇點了這$528 一人前set (牛肉包括佐賀A5 黑毛和牛同熊本豚肉）
有超級多的自選火鍋湯底，而且是一人一鍋的。好處是女士可以選美顏柚子collagen湯底，男士又唔使刻意遷就，可自由選擇例如重口味的sukiyaki 湯底，各取所需！
柚子collagen 湯底剛放下時是啫哩狀的，但煮熱後會變湯水狀。邊食又邊美顏，真好！而且湯底能帶出蔬菜和牛肉本身的鮮味，加上淡淡的柚子味，十分特別！
小食包括有鵪春蛋，芝士，生菜沙律加明太子青瓜。當中以小小辣的芝士條同青瓜較出色。
温野菜的主角-自選五種蔬菜：全是來自日本的蔬菜，生菜果然比本地的鮮甜爽脆
熊本豚，佐賀A5和牛當然油花靚仔同夠soft! 可惜切得太薄，如果厚返點有多少少質感就更好了。
自選火鍋配料：豆腐魚餅，魚蛋魚餅，免治雞肉，芝士丸，年糕。當中以豆腐魚餅最美味！魚餅香又出到豆腐香味，必推。
芝士丸太膩！食完一粒之後有啲驚咗（連男士都係，放棄了食第二粒）。年糕時間淥得耐咗少少，拯救失敗，變了一pat pat 與湯溶為一體，bye!
此set 亦包松葉蟹，可惜味道十分淡，吃不到應有的鮮甜味道，是最弱的一道菜。
後記：整體上還是不錯！比個good! 又可做善事（餐廳不會扣除成本，呢段時間收入全數捐比熊本）不過下次可能會試下另一啲有美國牛set 再另加和牛，可試多啲唔同口感嘅牛！如想飲清酒的會失望，因暫時未有酒牌。
最後，好想特別讚下呢度啲waiter/waitress，服務有日本的餐廳質素！尤其係坐喺我地附近的小男人經常攪爛gag 般投訴又要求多多，佢地都好有耐性又笑面迎人咁解答，真是令佩服
張貼
