德仔記

營業中

休息中

難得入左梅窩，當然要去食風味小炒，朋友帶左我地黎德仔記。首先講環境，你黎得都預左係戶外，但咁多蚊都係第一次，成餐飯不停打蚊&俾蚊咬，仲要係白紋伊蚊，真係想快脆食完走人。小菜ok la，九肚魚味道唔錯，但太細條，入面肉唔夠。乳鴿燒得幾好食，塊皮有少少脆。好油，同埋冇乜味，下次叫上湯穩震d。算係炒得唔錯，有櫻花（即蝦乾）令到好香口，乾身又多料，值得食。重點黎喇：我地4大人3細路，叫左個粟米羹，伙計話細唔夠食，好有禮貌咁問洗唔洗要大，諗住佢真心覺得我地唔夠食，所以聽佢講叫左大。誰知多到飲唔曬，每個大人飲左2碗，細路一人一碗，飽到痴筋，最後都有淨，一圍枱既份量，真係飲唔到law。雖然唔知貴左幾多，俾人水左，又浪費食物，感覺都好差。