普慶餐廳

營業中

休息中

屋企人買到買一送一優惠，就一家六口嚟呢度食lunch buffet慶祝生日。記得早幾年嚟過逸東食自助晚餐，嗰陣嘅印象唔錯，因為佢嘅食物種類好多，而且唔同區域喺唔同位置，唔會怕同人哋迫埋一齊攞嘢食。今日最估唔到係午餐都有生蠔食，雖然唔算大隻，但海水味十足，完全冇腥味好新鮮，六個人加埋食咗幾打生蠔🤣另外蟹腳雖然比較幼身，但解凍做得好好，同埋亦都唔鹹👍🏻刺身方面三文魚超正，魚油味重，而且佢會厚切，口感好正。隔離仲有即炸嘅天婦羅區，遇到佢啱啱炸起天婦羅蝦，蝦嘅熟度啱啱好，炸漿亦唔厚🍤呢度嘅燒味亦都唔錯，叉燒係半肥瘦，厚身得來又夠腍。燒鴨相對比較乾身，但個燒鴨皮夠薄身有啲脆口。呢度嘅甜品超多，雪糕竟然係Movenpick🍦食勻晒佢嘅瑞士朱古力、意大利奶凍同埋焦糖燉蛋味🤤另外叫咗個職員幫我即整個窩夫，本身都怕成嚿食唔晒，但個職員話就算要一半都OK，呢樣嘢好貼心💓隔離仲有啲花生醬、煉奶、朱古力醬配呢個窩夫，食完好滿足。另外中式甜品椰汁紫米露都好有驚喜，椰汁味香得嚟，個紫米露又唔會太甜。