新寶馬茶餐廳小廚

營業中

休息中

當日去到坪洲，等緊船折返嘅時候諗住坐低食個下午茶。就見到呢一間門面幾靚嘅餐廳，近近地就入咗去坐低。先講餐廳環境，門面新淨但係內裏就有好多烏蠅飛來飛去，減少左我一半嘅食慾，二來廚房並無隔開，所以入到去都會聞到幾重既油煙味。當日叫咗一個西多士拼薯條，味道正常，但好油好油，成張隔油紙都充滿着油另外叫咗一個雪糕菠蘿包，論外觀就贏咗，有一種見到都好想食嘅感覺。但實際呢，菠蘿包面層夠脆口，但整個包唔夠鬆軟，好似靠雲呢拿雪糕去調味一樣。食起上嚟都有點麻煩，最後我哋將雪糕搬開一邊先開餐。