越男仔 (已結業)

好友推介呢間越南餐廳,特登約埋朋友去荃灣試下。位置就喺荃灣廣場附近嘅「越男仔」餐廳。環境乾淨企理,餐廳唔算大,服務員好有禮貌。好彩早到,如果唔係就唔知等幾耐才有位。餐牌款式都幾多,有飯、有湯河和檬粉,仲有好多特色越南小食。3Course dinner set 🌟牛+豬pho一上枱就有驚喜,熱騰騰蕃茄湯底檬粉好濃郁。有生牛肉、烤牛肉、豬頸肉和豬扒,啖啖肉,非常足料。+黑糖鳳爪沙律鳳爪入味,沙律菜有青瓜絲、紅羅白絲和椰菜絲,酸酸甜甜好開胃。+手撕雞檬紙卷米紙卷細細件,包住檬粉和係上面撕成絲狀嘅雞肉,加埋酸汁,口感清新。🌟招牌去骨海南雞配黃薑飯 海南雞肉質鮮嫩,皮爽肉滑。油飯軟硬適中,有淡淡嘅薑黃味道。呢個餐仲附送一碗牛骨湯,牛味都幾濃,唔錯。#devietson #越男仔 #越南美食#越男仔荃灣店 #荃灣美食