影片
更多
2016-11-27
6325 瀏覽
係，我實在太掛住日本，實在太掛住係道頓堀法善寺橫丁裡面一間平價爐端燒店，所以見香港有類似的店，點都要試下。表面睇真係唔會知佢係咩鋪頭，唔知可能真係會誤會係玩具店，其實所有玩具同擺設都係店主收藏品，男仔應該會幾興奮，我就當然比較關心食物質素。佢有一般座席，但食爐端燒當然要坐bar枱位，因為一來所有材料鋪晒係你面前，可以直接指指點點，二來廚師燒完會用木槳遞畀你，所以記得訂位時特別講明。順帶一提，店方好貼心，訂左位的話，座位面前會有張紙仔，上面有你個名，仲有日文寫住多謝你惠顧，好有日本feel。呢排鍾意食枝豆，聽聞呢度的枝豆（$38）會浸過醬油燒一燒，咁特別更加要點。雖然只係個殼有陣陣醬油味，但都忍唔住要啜下先咬裡面的豆，燒過又香又暖暖地，一碟分量都唔少，作為前菜好值得點。原來呢度都有味噌燒蟹蓋，個名叫月見蟹味噌甲羅燒（$128），月見即係生蛋黃，燒蟹蓋唔係灰色一pat的蟹膏，而係蟹肉、蟹黃同蟹籽居多，加埋蛋黃拌勻一齊燒，味道比較鮮，冇蟹膏咁濃味。食法隨意，就咁食又得，放係多士上面食都得。我好鍾意食牛舌（$62），呢度做法同出面有d唔同，係整塊燒好後先切片，所以牛舌芯係有少少偏生，係冇切片串
表面睇真係唔會知佢係咩鋪頭，唔知可能真係會誤會係玩具店，其實所有玩具同擺設都係店主收藏品，男仔應該會幾興奮，我就當然比較關心食物質素。
佢有一般座席，但食爐端燒當然要坐bar枱位，因為一來所有材料鋪晒係你面前，可以直接指指點點，二來廚師燒完會用木槳遞畀你，所以記得訂位時特別講明。順帶一提，店方好貼心，訂左位的話，座位面前會有張紙仔，上面有你個名，仲有日文寫住多謝你惠顧，好有日本feel。
呢排鍾意食枝豆，聽聞呢度的枝豆（$38）會浸過醬油燒一燒，咁特別更加要點。雖然只係個殼有陣陣醬油味，但都忍唔住要啜下先咬裡面的豆，燒過又香又暖暖地，一碟分量都唔少，作為前菜好值得點。
原來呢度都有味噌燒蟹蓋，個名叫月見蟹味噌甲羅燒（$128），月見即係生蛋黃，燒蟹蓋唔係灰色一pat的蟹膏，而係蟹肉、蟹黃同蟹籽居多，加埋蛋黃拌勻一齊燒，味道比較鮮，冇蟹膏咁濃味。食法隨意，就咁食又得，放係多士上面食都得。
我好鍾意食牛舌（$62），呢度做法同出面有d唔同，係整塊燒好後先切片，所以牛舌芯係有少少偏生，係冇切片串燒咁香，但裡面會比較嫩。
雞皮（$28）係去串燒店必點的，唔會以為好肥好膩，燒過的雞皮又脆又薄，好似薯片咁，肥油應該燒走晒啦，不過呢度除左夠脆口，調味就略嫌唔多夠，好淡。
食完呢d都唔夠飽，可以叫個燒飯糰食（$35），有明太子、三文魚等口味，我試左後者。飯糰燒到略脆，裡面煙韌，似煲仔飯的焦，裡面的三文魚餡唔算多，唔多調味口味清清地，用黎解酒或者填肚都唔錯。
值得去指數：👍🏻👍🏻👍🏻
張貼
