盛意小館點心粥麵

營業中

休息中

去完歷史博物館，想搵個地方落腳食飯，見新開呢間餐廳有得飲夜茶，啲款式又幾特別，就一於試試佢。🥢豉椒炒蟶子蟶子都幾大隻，豉椒惹味夠鑊氣。🥢龍蝦湯鮮竹卷呢道點心都幾考功夫，廚師處理得好好，鮮竹卷炸得香脆，即使浸喺個龍蝦湯度都重係脆卜卜，好香口好好食。🥢霸王小籠包一咬落去就流啲熱焫焫嘅湯汁出嚟😋🥢午爐叉燒腸粉腸粉夠滑，入面啲叉燒餡都幾多。🥢招牌雲吞麵雲吞啲蝦新鮮爽口，幼麵入味彈牙，唔錯👍🏻🥢竹炭黑金360鮮奶包有別於坊間嘅奶黃包，呢個係流心鮮奶包嚟，奶香濃郁。🥢擂沙湯丸流心黑芝麻餡，係我最鍾意嘅中式甜品之一。