古今二 (荃灣千色匯I) (已結業)

今個月係我嘅生日月，之前有幾個朋友都推介過荃灣千色店古今二，今日就同姐姐一齊黎食好野😋我哋叫左兩個set lunch，首先係古今焱之丼加錢配兩隻吉列炸蠔同特飲白桃柚子烏龍。呢個丼飯非常有水準，有幾片厚切油甘魚、三文魚同唔少蟹柳，表面加了芝士再用火炙過，底面就係魚生，食落少少鹹鹹地，我同姐姐都讚不絕口。吉列炸蠔外皮鬆脆，配沙律醬真係一流😋我哋仲叫左卷物拼湯麵，麵類就揀左醬油烏冬，配特色卷物火山4件，費城卷，另外再加錢配兩粒芝士年糕，野飲就揀左熱柚子蜜。呢個烏冬面食落非常煙韌，而火山有三文魚同牛油果，費城卷賣相非常有特色，大大件成座山咁，上面鋪滿蟹柳，好滿足呀😋我哋仲叫咗三款小食，有日式麻醬豆腐沙律，豆腐好有豆味又滑身，食落好清新；冬菇串燒配燒汁非常野味，最值得推介係黑豚豬頸肉串燒，肥瘦均勻，肉汁非常Juicy👍🏼👍🏼睇餐牌都有過百款食物，樣樣都好吸引😍下次再試其他先～