得閒飲茶

營業中

休息中

呢間點心店距離地鐵站大概幾分鐘路程，非常之方便，成功吸引到熱愛點心嘅我。得獎蝦餃之王 - 36蚊有4粒大大隻蝦餃，必食推薦！！皮勁薄又滑，入面隻蝦都好大隻。灌湯小籠包 - 超級爆汁，朋友爆汁爆到成枱都係，所以要小心食，肉汁非常鮮甜，皮唔會太厚，讚！！蜜汁叉燒腸 - 好欣賞佢嘅豉油係會另外擺，腸粉非常嫰滑，叉燒份量亦都十足。千島醬脆皮蘿蔔糕 - 個外皮做到好脆，蘿蔔糕原來都幾夾千島醬，幾有驚喜。臘味蒸飯 - 臘味非常香，份量都夠兩個人分享。蟲草花木瓜燉豬骨 - 太喜歡飲湯嘅關係，最後要試埋個燉湯，木瓜非常清甜，飲落好舒服。