野火

營業中

休息中

餐廳位於地鐵站行出去希慎廣場嗰層，行去電梯嗰邊一個好唔顯眼嘅角落。裝飾以木& 和風為為主，尚算舒適。招牌醬油烤走地雞 雞扒幾滑，味道唔複雜，就係醬油味。最突出嘅係有好香嘅炭燒味道，有鑊氣又夠香。外皮唔係好脆嗰種，但整體係好味的。另外附上嘅燕麥白飯，d  米粒煮得煙煙韌韌好有彈性，值得一讚。不知不覺就會食咗好多飯。另外佢仲有蔬菜伴碟，份量okay。非常之均衡營養。👌🏼胡椒檸檬走地雞肉 雞扒味道胡椒味較重。但係食唔到檸檬味。同樣都有炭燒嘅香味同質感。味道唔錯。皮唔係煎得好香脆嗰種，而係軟軟哋，又有啲一粒粒嘅汁嘅感覺。👌🏼手工鮮切薯片 $28炸得好香脆。比較厚身，同埋有少少煙靭嘅口感。味道係可以，但係又唔係好驚喜。 蕃茄多士另外午餐加$10會送杯茶同蕃茄多士。蕃茄多士非常香脆；蕃茄切得好細粒，酸酸甜甜好開胃。係好味嘅。午餐送d 咁特別嘅小食，好有誠意！總結係好味，同埋可以再返來食嘅餐廳。