Orange Elephant Thai Restaurant (利奧坊) (已結業)

今日去完個friend大角咀屋企，落咗去奧利坊搵食，見到有間裝修靚唔靚嘅泰國餐廳，於是入去試試先。首先我哋嗌咗兩杯嘢飲，第一杯係珍多冰，正常發揮。但係另一杯芒果冰特飲，就出乎意料之外，係用新鮮嘅芒果打製，入邊仲有芒果肉，一口嗓落去，簡直係透心涼。頭盤我哋嗌咗蒜蓉包，呢個蒜蓉包不特止足料，而且鬆脆。主菜就嗌咗燒牛仔骨，呢個燒牛仔骨醃得非常之入味，廚師掌握個火候亦都掌握得非常之好，唔會話過熟，非常之惹味。另外嗌咗半隻泰式海南雞，肉質非常之滑溜，份量亦都非常之多。最後重頭戲係嗌咗個泰式臘腸蝦醬炒蛋飯，呢個炒飯真係無敵，炒飯粒粒分明，亦都配埋蝦醬同埋肉鬆，上面嘅臘腸，令到個飯額外入味。最尾發現，原來好多地方都有分店，呢間舖頭真係泰國菜嘅新蒲點。