豚豚食堂

營業中

休息中

我和太太由西灣河沿海邊行到北角匯，見有啲肚餓咁就喺北角匯食個晏，剛剛見到豚豚食堂唔使點等位，咁就入去食啦! 仲可以坐到卡位，座位都算闊落，睇菜牌都有好多食物選擇，咁我哋就點左流心蛋肉餅，豆腐，叉燒拉麵和豬軟骨拉麵。出餐都算快，服務員攞到食物放枱上都係熱辣辣。流心蛋肉餅，外脆內軟仲有流心，超正。豆腐就軟滑淋， 有日本豆腐的一貫水準，都淋和滑。豬軟骨拉麵的豬軟骨，就有啲似台灣的豬軟骨，但都好淋好軟熟，至於叉燒拉麵，啲叉燒就比較薄咗啲，但都算好味，而最後嘅拉麵，亦都有一貫日本嘅水準，不過不失。總結來說都係一個很好的午餐。