一杯屋 (已結業)

好耐冇嚟銅鑼灣啦，呢邊人山人海，平時冇咩嘢都唔會專登出嚟呢邊，而今次去到逸園8樓既呢間一杯屋，打算係到食個午飯於是先叫左豚肉生姜燒定食，本來好普通既豚肉，因為經過用生姜調味，令豚肉有種陣陣既生姜味，但係唔會濃厚過頭，令豚肉本來既香味同生姜味完美混合埋一齊，成件豚肉就更加好食！一個定食雖然包含好多嘢，但係定食應該都係照應返一個普通日本人會食到既份量而制，對我嚟講份量算係適中，非常好食，但未到八成飽。另外加多咗個燒雞皮餃子，仲埋一個小食章魚燒，加埋啲小食就到八成飽，差唔多啦！兩樣都非常好食！