不倒翁中日火鍋料理 (已結業)

又係唔知食咩好的一餐，老友今天早過我，我就有堂上，上完去到尖沙咀都要8：30分，咁老友話不如試新野“不倒翁“是也。收到佢通知，都預左個荷包今晚會減磅 ，但都未試過真係好想試吓囉，一於無異議，就這家。老友早左上去，又好彩馬上有位，跟住on the way 我就收到佢影俾我睇的menu ,老友話覺得都幾貴，落唔到手叫咩，我睇住個餐牌相，老實講反而沒驚慌，可能一早有心理準備，反而覺得在價位內囉，加上我都未上過i square 的食市用膳，都抱著幾鬼興奮的心情踏上23樓架。搖控老友叫左個大白菜豬肺湯同雪花肥牛先，咁我就衝上去喇。當行入店真的幾驚喜，位置是窗口旁，雖然不是梳花卡位，但個廣闊夜景都令人心情好放鬆。醬料架的將料好企理，我們再叫了脆鲩，芋头件和菜 ，這裡食材好新鮮啊 ，牛肉都唔錯，芋头就最好味了，又粉又綿加了一樽竹蔗水，感覺好清潤，吃飽飽，無浪費，除左煲內的豬肚，碟碟都清晒，連埋景，埋單$820, 我覺得可以接受，與上次在稻香比都要600幾，咁加多百幾拾有景有質數，這裡好好多囉。補充，佢的食才價位，我覺得同高流灣，滾得棧等差不多，但環境就好得多了。