aira

營業中

休息中

放工約朋友去尖沙咀食飯，上網見到里間唔錯，沒有負評，好似環境又不錯，而且近地鐵站，仲可以網上book，非常方便。餐廳裝修有格調，環境舒適，朋友傾偈一流，我哋叫左特上·薩摩牛涮涮鍋、日本粟米天婦羅同串燒。特上·薩摩牛涮涮鍋薩摩牛油脂分布均勻，配上日本蛋黃，質地嫩滑，入口即溶，牛味濃郁，涮涮鍋仲配左啲新鮮嘅蔬菜，分別娃娃菜、金菇、鮮冬菇等，配上甜甜嘅壽喜燒湯底，帶出蔬菜嘅甜味，美味。日本粟米天婦羅日本粟米天婦羅好好食，每一塊粟米都被一層薄脆嘅炸衣包住，炸至金黃酥脆。一口咬落去，外層香脆，內層有清甜嘅粟米味，味道層次豐富。串燒叫咗三串串燒，分別係大蔥雞肝、露筍燒豬肉卷及醬燒豆腐。大蔥雞肝，啲雞肝烤得剛剛好，表面有微微焦香，內裡嘅口感鮮嫩多汁；豬肉切得薄片，包住嫩滑多汁嘅露筍，口感豐富；醬燒豆腐，豆腐配上醬汁，味道濃厚，又不失豆味。餐廳還送了桃膠西米露糖水，雖然係送，但一啲都唔馬虎，滿滿嘅桃膠，而且甜到剛剛好，為完美一餐作結。