影片
更多
2024-06-26
349 瀏覽
今日約咗個沙田友friend子聚舊，佢知道我鍾意食西餐，所以搵咗間好有格調嘅餐廳同我食個靚lunch💕餐廳氣氛好有格調 ，坐位好寬敞舒服、枱同枱之間有足夠空位，傾密偈都唔怕俾隔籬枱聽到🙊 夜晚餐廳仲會變身成為酒吧，好適合坐低同朋友傾偈飲下嘢食下嘢👍🏻 靜靜地話俾大家知 生啤而家仲要做緊promo全日買一送一🤩 生啤配小食，真係冇得輸！我個friend知道個promo之後，仲即刻約中同係呢度夜晚Re U劈過🍻街頭串尤魚 $68一碟2串大大串既尤魚，成串尤魚有前臂咁長 。調味啱啱好，少少微辣，唔韌又易咬又入味，好惹味！一人食晒2串都仲得🦭鹽燒牛脷set lunch配意粉 $78牛脷有咬口，好腍好入味，配上燒汁，越食越想食！意粉夠幼我鐘意，夠晒al dente ，一啲都冇overcooked變粉糊。配菜有心思，唔會剩係得啲三色豆😗成個配搭即刻balanced晒😋水牛城雞翼4pcs $58雞翼煎到十分脆口，唔會乾仲幾juicy，醬汁鹹鹹甜甜酸酸帶少少辣，好開胃。一次過食4隻都唔夠候😝流心藍芝士牛肉burger set $75 一入口，藍芝士好濃味，厚切牛肉漢堡勁juicy 夾住新鮮蕃茄青瓜同生
餐廳氣氛好有格調 ，坐位好寬敞舒服、枱同枱之間有足夠空位，傾密偈都唔怕俾隔籬枱聽到🙊 夜晚餐廳仲會變身成為酒吧，好適合坐低同朋友傾偈飲下嘢食下嘢👍🏻 靜靜地話俾大家知 生啤而家仲要做緊promo全日買一送一🤩 生啤配小食，真係冇得輸！
我個friend知道個promo之後，仲即刻約中同係呢度夜晚Re U劈過🍻
街頭串尤魚 $68
一碟2串大大串既尤魚，成串尤魚有前臂咁長 。調味啱啱好，少少微辣，唔韌又易咬又入味，好惹味！一人食晒2串都仲得🦭
鹽燒牛脷set lunch配意粉 $78
牛脷有咬口，好腍好入味，配上燒汁，越食越想食！意粉夠幼我鐘意，夠晒al dente ，一啲都冇overcooked變粉糊。配菜有心思，唔會剩係得啲三色豆😗成個配搭即刻balanced晒😋
水牛城雞翼4pcs $58
雞翼煎到十分脆口，唔會乾仲幾juicy，醬汁鹹鹹甜甜酸酸帶少少辣，好開胃。一次過食4隻都唔夠候😝流心藍芝士牛肉burger set $75
一入口，藍芝士好濃味，厚切牛肉漢堡勁juicy
夾住新鮮蕃茄青瓜同生菜，配上意大利陳醋沙律+熱辣辣即炸粗薯條，成個set一啲唔漏 仲好fresh好夠飽🙂↕️
2個set lunch都包凍飲，天氣熱辣辣真係岩晒
埋單仲發現lunch set原來免加一，淨係小食先要加，成件事仲抵左😍 一定要再嚟試埋佢嘅set dinner+BOGO生啤🤩
好味度：8.5/10
回頭到：8.5/10
🎡餐廳資料
餐廳名稱：風車
餐廳地址：大圍積存街50號葵偉樓地舖
營業時間：星期一至日 12:00 - 03:00
張貼
