REFLECT Restaurant & Bar

今日去咗旺角REFLECT Restaurant & Bar食墨西哥菜，餐廳環境幾舒服，門口招牌設計好Cyber。室內裝潢時尚，室外有特色，感覺幾好。松露薯條外面金黃裡面軟，松露帶出獨特味道，配埋芝士醬幾好味。脆皮雞翅外皮炸得金黃脆口，咬落去有層次感，肉質嫩滑，唔油膩。醃製得有一點微甜同少少辣。燒烤雞肉披薩有驚喜，底薄脆，咬落去好似厚切薯片，雞肉嘅醬汁唔會太甜，有啲煙燻味，搭配啲蔬菜，味道更加豐富。炸玉米餅（牛肉）餡料滿滿，牛肉味道正，玉米餅外脆內軟，加埋自家製salsa，酸酸辣辣嘅感覺，幾開胃。蘋果塔甜度啱啱好，餡料用咗新鮮蘋果，酸甜適中。餅底鬆化，搭配雪糕，味道平衡得好好。下次再嚟試吓其他菜式。