杏甜品 (豉油街) (已結業)

位於旺角嘅行甜品係一間新開嘅港式甜品店， 佢主打係杏汁甜品， 鍾意 杏汁甜品嘅人絕對要嚟試下。 甜品店行溫馨小清新風格， 店內 座位舒適 ， 乾淨企理， 絕對係下午茶或者飯後甜品嘅優質地點。佢嘅menu有好多唔同嘅選擇，不過見佢嘅木蓮凍系列係出面好少見，所以同朋友就試咗佢嘅木蓮凍系列。 我揀咗招牌杏汁波波爽冰木蓮凍， 佢嘅爽冰 有四種味道可以選擇分別係榴槤，芒果，士多啤梨，蜜瓜同龍眼。 如果想 一次過試超過一種味就可以加錢， 我最後揀咗士多啤梨爽冰， 呢個甜品另外仲有小芋圓，青鑽同杏汁， 估唔到佢哋幾款嘅配料一齊味道十分之夾， 杏汁味超濃， 配士多啤梨爽冰味道剛剛好， 芋圓亦都煙韌彈牙。至於對杏汁唔特別喜好嘅朋友，其實呢間甜品舖亦都有其他選擇，例如朋友揀嘅芒椰木蓮凍就超好食， 裏面有芒果爽冰， 芒果粒，小芋圓同椰果， 成個配搭十分清新，芒果味亦十分濃郁， 好有亞熱帶夏日feel。我哋另外亦都叫咗個糖不甩，佢嘅糖不甩煙韌彈牙，厚厚嘅花生碎配湯圓，味道一流。