影片
更多
2021-11-22
194 瀏覽
Donki開左壽司店都一排，終於揀左日黎輪票等食，周六日晚市的確多人，要等2小時左右，所以真係一早黎食或閒日下午茶時段就等得快d，由於無得網上或App睇 叫飛號碼，所以行左一陣就要回店睇叫號，如果過左號碼，只要叫號20mins內都接受。今次獨個來食，影左隔離4個格，迴旋bar枱同4人枱比例一半，都坐得舒服。芥末係獨立包裝的即磨芥末，唔會太辣太刺鼻，都幾正。食完覺得，只有藍鰭吞拿魚拼盤及油甘魚比較好，其他都一般。d壽司飯偏 痴牙，成舊野咁，口感麻麻。藍鰭吞拿魚拼盤 $37三款部位都可以食到，幾滿足。赤身魚味重，中拖油潤帶鮮甜，大拖肥美有魚脂甘香。三款都好好味，價錢都抵食。帆立貝賣相差少少，一件雪白，一件帶淡黃色。味道鮮甜嫩滑，柔軟美味。口感味道都正。油甘魚好正，大件厚身夠肥，入口快要溶，唔係扎實口感，係油潤軟嫩，魚脂香同魚味都重。蝦三味對一個人黎，感覺抵食，甜蝦甘甜，熟蝦彈牙蝦味重，赤蝦爽口鮮味。海膽都幾靚仔，入口鮮甜，之後海膽味都重，有少少腥，不過可以接受。三文魚腩睇樣幾肥，但入口又薄身又冇魚油味，味道口感一般，唔太抵食。池魚少少腥，味道一般。三文魚籽個味好咸好重，有鮮味但太咸。而且
今次獨個來食，影左隔離4個格，迴旋bar枱同4人枱比例一半，都坐得舒服。
芥末係獨立包裝的即磨芥末，唔會太辣太刺鼻，都幾正。食完覺得，只有藍鰭吞拿魚拼盤及油甘魚比較好，其他都一般。d壽司飯偏 痴牙，成舊野咁，口感麻麻。
藍鰭吞拿魚拼盤 $37
三款部位都可以食到，幾滿足。赤身魚味重，中拖油潤帶鮮甜，大拖肥美有魚脂甘香。三款都好好味，價錢都抵食。
帆立貝
賣相差少少，一件雪白，一件帶淡黃色。味道鮮甜嫩滑，柔軟美味。口感味道都正。
油甘魚
好正，大件厚身夠肥，入口快要溶，唔係扎實口感，係油潤軟嫩，魚脂香同魚味都重。
蝦三味對一個人黎，感覺抵食，甜蝦甘甜，熟蝦彈牙蝦味重，赤蝦爽口鮮味。
海膽都幾靚仔，入口鮮甜，之後海膽味都重，有少少腥，不過可以接受。
三文魚腩
睇樣幾肥，但入口又薄身又冇魚油味，味道口感一般，唔太抵食。
池魚
少少腥，味道一般。
三文魚籽
個味好咸好重，有鮮味但太咸。而且醃汁橙色太恐怖，因為多汁到浸住壽司，夾起壽司，見碟度好多橙色醃汁。
芥末八爪魚
幾重芥末味，辣味夠刺激，八爪魚好有咬口，都唔錯。
赤貝
爽口，無咩味。
張貼
