🌟120分鐘日本A4黑毛和牛火鍋放題
食過牛大人都知,一定會送和牛牛丸，一如既往咁好食😬 今次遇上新主題，仲會加送海鮮拼盤、任食鮑魚、啤酒一杯， 淨係食呢啲都差唔多返本，而且仲有主打嘅日本黑毛和牛A4+、伊比利亞黑毛豬梅肉同鮮甜鮑魚/鮑魚三吃😍
🥩日本和牛真係唔同啲，入口即溶👍牛味非常濃郁，狂食幾碟都唔過分😬
🐷估唔到黑毛豬都咁靚， 肉質真係有保證🫶🏻
🫶🏻鮑魚都有三種， 包括燒汁， 蛋黃醬同醉鮑魚，三種都做得好好，我最鍾意係個醉鮑魚，好入味🫶🏻
🥩打邊爐一定係為咗牛肉嚟嘅， A4和牛理所當然好好食， 估唔到隻srf黑牛都唔錯! 另外我試咗個脆鯇魚都好正！
🍲打邊爐最重要梗係個湯底， 我一定會揀鴛鴦鍋試晒兩個唔同嘅味道， 咁啱今日有新湯底，「聰明魷魚沙茶鍋」拼「養生菇菌燉雞鍋」😃
沙茶鍋 有木魚嘅味道又出奇咁夾喎👍 菇菌鍋就好濃嘅菇味，煮海鮮一流！
跟餐嘅小食真係好豐富😬
🦐蝦蝦霸霸脆多士
香脆嘅蝦多士，味道一啲都唔馬虎👍
🐂日本和牛橘梨伴豆腐
甜甜酸酸好開胃👍
🍜阿嬷豆乾魚蓉麵
呢個勁好食，有香油味， 好香
🍖烏金墨汁手作腸
台灣腸係有一種特別嘢吸引力， 呢個幾好食！
🍗三和夜市雞皮卷
有啲去咗食台灣 夜市食雞皮卷嘅感覺
🍟夜市撈脆薯
🍗海苔鹽酥雞
鹽酥雞不嬲都係台灣嘅經典食物，台式火鍋都試到呢種小食，幾好！
🐓滷味五香雞胗
鹵水嘅香甜味入曬個雞胗度， 鹵得幾好👍
🍸仲包兩杯特飲
芒檸蜜西米爽
酸酸甜甜， 有埋西米，口感十足！
港式檸檬茶18+
有酒嘅檸檬茶第一次飲， 冇違和感喎！
如果鍾意飲嘅話，呢個套餐加錢就可以任飲喇😎
🍧甜品：蜜桃愛玉冰
非常之解油嘅甜品， 食完口腔好清爽！
＜牛大人＞真係非常唔錯嘅火鍋放題店， 嘢食絕對可以令你返本😎
🥮而家推出左中秋節活動，活動期到12/10，抽三個燈謎，看圖猜詞語或回答歇後語及背後既意思，三條都答岩送小禮物😎
