大丸ラーメン

營業中

休息中

雖然香港仍在武漢肺炎的籠罩下，但朋友一直約話想去依間店試下，所以唯有捨口罩陪君子。一入到去，因為佢係L型圍住廚師單邊坐既座位，即刻有係日本食拉麵時既回憶。佢哋係自己用落單紙落單，落完單交比廚師就得。佢哋既落單紙都同日本拉麵店差不多，可以自己選味道，麵種，油量，追加&小食。有5種味可以簡。白丸：鹽味豬骨，黑丸：醬油豬骨，蝦丸：蝦豬骨，辛丸：激辣豬骨&小丸：兒童餐。我哋就分別叫左白丸同黑丸。白丸：唔會太咸，豬肉幾入味，個唐心糖好好食。依個係粗麵底，煮麵時間掌握得幾好，唔會太淋。值佢個價。黑丸：除左個湯底比白丸咸D之外，其他都一樣。如果要加麵，最 好係後加，以免浸太耐影響麵既質地。