阿爺八鮮鍋 (已結業)

記得上年都介紹過依間「阿爺八鮮鍋」，因為友人好中意食鮑魚既關係，佢又提議去返依間「阿爺八鮮鍋」，可以俾佢任食鮑魚😂上到去發覺menu同以前唔同左，menu既design既感覺更加eye catching，野食好似仲多元化左。無變既係，一個價錢，可以滿足我地貪心既食慾😆刺身有，燉湯有，雞煲有，熟食有，最後打埋邊爐。雞煲今次就唔多講，但值得一提既就係依度既海鮮都係任食，海鮮既新鮮程度一啲都唔hea，雖然唔係最高級既鮑魚，但勝在夠新鮮，黎到既時候仲識郁。另外必點既就係蘇格蘭蟶子皇，蟶子夠大隻鮮甜，餐廳都洗得夠乾淨，唔會食到有沙，但可惜真係太多人叫好快無曬。滑牛今次都encore左4次，因為夠滑，又唔會無牛味🤤仲想食多啲既就可以即場like埋佢地社交平台，會有埋生蝦刺身送😍