喜膳燒

營業中

休息中

平時食海鮮餐最鍾意食蒜蓉粉絲蒸扇貝，有冇人同我一樣覺得其實蒜蓉粉絲絕對係幫呢道菜畫龍點晴。餐廳蒜蓉同埋粉絲嘅份量十足。蒜蓉味香濃到最後飲埋d湯汁😋扇貝大大隻啖啖肉！推薦🥰食打邊爐食響鈴食得多，第一次見到係串燒店會有燒響鈴食，仲要有芝士餡夾係中間。😍見到支試吓嘅份量絕對唔野少，一咬落口所有芝士汁係個口到爆曬出嚟，芝士味香濃。而且響鈴又炸到好趣口，呢個咁新穎嘅菜式我好鍾意。😋另外一道又係用芝士黎調味嘅菜式，就係芝士焗生蠔。感覺上係呢間餐廳叫嘅所有芝士調味嘅食物都係冇得輸，芝士味香濃都不在話下，蠔又肥又大隻。食串燒必食嘅燒茄子，呢間傳銷店嘅燒茄子做得極之出色，完全冇油膩感，蒜香味十足。另一道串燒店必食的菠蘿。加上玉桂同焦糖燒的菠蘿幾特別，玉桂同菠蘿異常地夾，有d似平時食french toast的玉桂焦糖味。雖然係食肉獸，但係都係覺得要食吓澱粉質先會覺得係完美嘅一餐。叫咗呢個芝士磨菇批，批嘅外皮好薄好脆，入面加入左少少辣嘅辣椒同埋蘑菇芝士的味道好夾。日式炸餃子炸到外皮好脆好香口惹味。內餡嘅份量剛剛好，菜肉餡就唔會好鹹。