有料案內所 (井財街)

營業中

休息中

有料案內所位於紅橋，附近有幾間甜品店，格離就係好出名既「嘆甜品」。係門口見到有麻糬窩夫，賣相好吸引，所以就入咗去。店舖裝修得幾特別，牆上仲有一塊「歌舞伎町井財街」嘅招牌，成個感覺好似去咗日本咁。餐廳係用QR code點單，入座會提供口罩袋， 感覺好貼心。點咗和風唐揚雞軟骨、煙肉大阪燒、芒果椰奶冰、炙燒焦糖布甸麻糬窩夫同埋芒果芝士奶蓋刨冰。和風唐揚雞軟骨上枱熱辣辣，不過略嫌太油。煙肉大阪燒幾大份，都只係買四十幾蚊。芒果椰奶冰有啲淡。炙燒焦糖布甸麻薯窩夫上面有布甸漿，用焦糖燒過嘅表面，同麻薯窩夫好夾，麻薯窩夫好有口感，煙煙靭靭。芒果芝士奶蓋刨冰，刨冰好大個，上面都有唔少芒果，不過刨冰唔係好幼滑嗰種。