NINETYs (皇后大道東) (已結業)

依排越開越多餐廳同埋靚靚Cafe，今日都搵咗間裝飾好有格調嘅Cafe同朋友坐低食下野傾吓偈，Cafe嘅位置喺灣仔皇后大道東，餐廳地方都好大，裝飾得好舒服，平實得黎又不失氣派！出名食澳式食物，份量都幾精緻，如果多人食可以叫多幾個share🤤今次叫左個黑松露意粉同埋豬肉，當然唔少得叫翻個薯條！Iberico pork 都好精緻，就好似食fine dining😋上菜嘅擺盤都好精美，加上有薯容，覺得味道都好豐富！豬肉肉質都非常嫩滑，好容易切開👍🏻薯條係比較特別，薯條會配上泰國蟹膏蟹肉醬，點上嚟食特別有泰國風味，平時都係點黑松露蛋黃醬，食落好有新鮮感😜仲有個黑松露芝士意粉，擺盤都非常有心思，意粉上面有少少食用花作點綴，令到整個意粉的顏色更突出💯味道方面黑松露芝士都非常出眾，意粉好香嘅黑松露味，食落芝士都好creamy！