NOJO

營業中

休息中

今日啱啱出糧， 本著今朝有酒今朝醉， 月頭拉麵一定去嘅心情，走過無數階梯， 誓要把錢花光光，食到脂肪肝。 入到去燈光昏暗，十分有情調，望住入面個個型男索女一雙一對， 反觀自己毒L一條， 上山時嘅雄心壯志頓時蕩然無存。原本想叫個大雞髀拉麵， 變左做食柚子雞拉麵，因為我相信我嘅package加埋呢隻大雞髀應該呢世都溝唔到女， 所以柚子雞即清新可中和油膩感，亦可以畀我自欺欺人咁當自己食得唔太肥唔使做運動， 寫到呢度唔知點解隻眼濕左，總結嘢食環境氣氛都唔錯，錯在單身的我。