影片
更多
2021-07-23
719 瀏覽
因為有Times Square dining coupon 又適逢慶祝節日嘅日子所以決定去搵間餐廳食好啲，上網見到呢間餐廳嘅格調、環境同餐牌都好啱心水就上網訂枱試吓：餐廳主打生蠔，我地叫左一份8隻嘅歐洲生蠔拼盤（$488），一上枱已經見到每一隻生蠔都非常肥美，賣相💯，侍應教順時針方向由淡味食到濃味，一食入口，肉質飽滿，爽脆鮮甜，洗得乾淨之餘又保留到海水味，好高質！小食我哋揀咗焗田螺蘑菇 （$138），賣相非常精緻，煮法同平時唔同，將已拆殼嘅田螺同蘑菇鋪喺薯蓉上面再伴上香濃嘅香草牛油醬汁，一啖接一啖食到停唔到口~我哋見隔離枱個Pizza幾吸引，就跟住叫咗個Pepperoni Pizza ($218)，Pizza 批邊夠晒香脆，餅底又唔會過油，餅面鋪滿芝士同辣肉腸，比起意大利餐廳嘅pizza 一D都唔會遜色～最後揀咗個疏乎厘做甜品（$138），雖然要等20分鐘但絕對係值得嘅！賣相非常吸引之餘味道亦都好好，有濃郁嘅蛋香味，呢個係細portion 但已經夠曬兩個人食，佢仲有一個更大嘅size，人多叫嚟做生日蛋糕都係一個唔錯嘅選擇。我哋另外仲叫咗兩杯酒，埋單大概$1300 扣咗$500 coup
餐廳主打生蠔，我地叫左一份8隻嘅歐洲生蠔拼盤（$488），一上枱已經見到每一隻生蠔都非常肥美，賣相💯，侍應教順時針方向由淡味食到濃味，一食入口，肉質飽滿，爽脆鮮甜，洗得乾淨之餘又保留到海水味，好高質！
歐洲生蠔拼盤
$488
18 瀏覽
0 讚好
0 留言
小食我哋揀咗焗田螺蘑菇 （$138），賣相非常精緻，煮法同平時唔同，將已拆殼嘅田螺同蘑菇鋪喺薯蓉上面再伴上香濃嘅香草牛油醬汁，一啖接一啖食到停唔到口~
焗田螺蘑菇
$138
6 瀏覽
0 讚好
0 留言
我哋見隔離枱個Pizza幾吸引，就跟住叫咗個Pepperoni Pizza ($218)，Pizza 批邊夠晒香脆，餅底又唔會過油，餅面鋪滿芝士同辣肉腸，比起意大利餐廳嘅pizza 一D都唔會遜色～
Pepperoni Pizza
$218
5 瀏覽
0 讚好
0 留言
最後揀咗個疏乎厘做甜品（$138），雖然要等20分鐘但絕對係值得嘅！賣相非常吸引之餘味道亦都好好，有濃郁嘅蛋香味，呢個係細portion 但已經夠曬兩個人食，佢仲有一個更大嘅size，人多叫嚟做生日蛋糕都係一個唔錯嘅選擇。
疏乎厘
$138
14 瀏覽
0 讚好
0 留言
我哋另外仲叫咗兩杯酒，埋單大概$1300 扣咗$500 coupon= $800，整體嚟講對呢間餐廳嘅食物，環境同服務態度都好滿意，食物同環境對得住呢個價格，當然有coupon嘅話就錦上添花啦～
張貼
