影片
更多
2022-06-12
419 瀏覽
屯門紅橋多野食就係人都知，今日又比我同豬先生搵到好野，係一間好有心思嘅小店。依間烏冬小店主要呢就有四款烏冬揀嘅，分別係腐皮，海老，帆立貝同埋魷魚，如果大食呢仲可以揀特盛大碗啲。我就揀咗魷魚腐皮烏冬，豬先生就揀咗海老腐皮烏冬。講吓個湯底先，海老腐皮烏冬嘅湯底係會比較濃味啲嘅，如果鍾意清淡啲呢魷魚湯底呢係唔錯嘅。兩個湯底都非常夠味，成碗麵啲餸同埋個湯底同埋啲烏冬麵非常夾。豬先生差唔多飲晒成碗海老湯底。兩個烏冬嘅餸都係非常多嘅，絕對係非常足料。海螺烏冬係會有三隻大蝦，魷魚烏冬係有四大舊魷魚，仲未計有1大好大塊嘅腐皮，腐皮嘅size係真係非常之大我哋都好surprise。仲未計有其他配菜例如係筍，海帶，粟米。連一向細食嘅我都差唔多可以食晒成碗麵因為真係好好食。值得一提嘅係素食嘅朋友都可以嚟呢度叫腐皮烏冬。嘢飲方面呢係更加有驚喜，當你以為去一間烏冬麵店只有一啲普通嘅茶汽水飲嘅時候，一間烏冬店係會有鮮味咖啡提供仲有自家製嘅Lemonade。豬先生今次就試咗cold blew，裏面有朱古力雲呢拿同埋杏仁嘅味道，店員仲教我哋先試一啖原味咖啡，然後飲一啖湯底再飲多次咖啡，口感非常唔同，估唔到食個烏冬都可
依間烏冬小店主要呢就有四款烏冬揀嘅，分別係腐皮，海老，帆立貝同埋魷魚，如果大食呢仲可以揀特盛大碗啲。我就揀咗魷魚腐皮烏冬，豬先生就揀咗海老腐皮烏冬。講吓個湯底先，海老腐皮烏冬嘅湯底係會比較濃味啲嘅，如果鍾意清淡啲呢魷魚湯底呢係唔錯嘅。兩個湯底都非常夠味，成碗麵啲餸同埋個湯底同埋啲烏冬麵非常夾。豬先生差唔多飲晒成碗海老湯底。
兩個烏冬嘅餸都係非常多嘅，絕對係非常足料。海螺烏冬係會有三隻大蝦，魷魚烏冬係有四大舊魷魚，仲未計有1大好大塊嘅腐皮，腐皮嘅size係真係非常之大我哋都好surprise。仲未計有其他配菜例如係筍，海帶，粟米。連一向細食嘅我都差唔多可以食晒成碗麵因為真係好好食。
值得一提嘅係素食嘅朋友都可以嚟呢度叫腐皮烏冬。
嘢飲方面呢係更加有驚喜，當你以為去一間烏冬麵店只有一啲普通嘅茶汽水飲嘅時候，一間烏冬店係會有鮮味咖啡提供仲有自家製嘅Lemonade。豬先生今次就試咗cold blew，裏面有朱古力雲呢拿同埋杏仁嘅味道，店員仲教我哋先試一啖原味咖啡，然後飲一啖湯底再飲多次咖啡，口感非常唔同，估唔到食個烏冬都可以有咁好嘅咖啡體驗，個人推介咖啡迷一定要試。因為太夜費事飲咖啡我就揀咗Lemonade，依間烏冬店嘅Lemonade係自家製嘅，到出嚟真係會見到入邊係好足檸檬嘅料，成杯Lemonade嘅味呢係調校得非常之好唔會話太甜或者太酸。喺一間烏冬小店竟然可以飲到自家製Lemonade，又係今晚嘅一個驚喜。
每個烏冬set會跟一個前菜同埋甜品，今日嘅前菜係蟹籽沙律，非常有口感，食落去好爽，而且配埋芥末醬係好好食。甜品呢係一個水晶紅豆餅，下面塊葉係要一齊食嘅，塊葉鹹鹹地配埋紅豆嘅甜味好夾，雖然係鹹味但係唔會覺得好奇怪。
張貼
