睿居酒屋 (已結業)

舊年同朋友食過睿日本料理，一直好想翻桌，今次約反同一個朋友試下佢另一間叫睿居酒屋。呢間居酒屋位於大坑，喺銅鑼灣行過去都好近，大概10分鐘路程。居酒屋門口裝修非常有心思，用左好多木材同石去打造，又放左好多唔同種類既植物，好用心。居酒屋入面座位唔多，更加有日本路邊居酒屋既風味。居酒屋一定要叫小食，同朋友飲反一兩杯，然後暢談一整晚。今晚我地叫左唔少刺身，每款都好新鮮，難得今晚居酒屋有象拔蚌推薦，點可以錯過。真係冇介紹錯，象拔蚌上到枱既時候嚇親我，因為啲象拔蚌仲郁緊，我以為我睇錯，新鮮到咁都係第一次見。另外，佢啲串燒都好推介，特別係個白鱔，沾個蛋黃食，意外地覺得好搭。最後飲反碗紫菜蜆碗暖暖個胃，真係好滿足。