富來休閒農莊

營業中

休息中

今日天氣涼涼哋，非常適合去燒嘢食親親大自然👍🏻懶懶地唔想預備，去自助燒烤場就最啱㗎啦🤭今日就坐屋企人車嚟到錦田富來休閒農莊呢度嘆吓～🌟可以選擇網燒或者用燒烤叉燒～又幾好👍🏻🌟每人包一支水和一罐汽水，也可選擇加錢換購其他飲料，如菊花蜜等🌟基本燒烤的食物都有，包括有我最愛的雞全翼、多春魚、魷魚、雞腎，仲有牛油和蒜蓉，燒麵包或煮菜都一流！😋🌟呢度除咗食仲有得玩！可以自費釣蝦，釣完即燒即食超新鮮😍 購買代幣可以玩波子機、籃球機等等。兒童套票亦好豐富，可以玩撈金魚、餵羊仔、電動車和兒童遊樂區👏🏻另外也有免費嘅遊樂設施如大型飛行棋、攀石等等😎另也有其他球類活動可免費/付費租借🌟最鍾意見到呢度嘅景色，今日藍天白雲，有啲涼風，睇到後面雞公嶺嘅山脈，呢幅圖畫好靚🥰親親大自然，呼吸下新鮮空氣，個人都爽啲👍🏻