影片
電話號碼
62730538
特色
適合大夥人
營業時間
今日營業
10:00 - 22:00
星期一至二
10:00 - 22:00
星期三
全日休息
星期四至日
10:00 - 22:00
*逢星期三休息，公眾假期除外
以上資料只供參考, 請與餐廳確認詳情
一入到農莊，感覺好寫意！小編與朋友及小朋友一齊來到農莊玩，由天光玩到天黑，這裏分了幾個區域，有燒烤區，撈金魚區，釣蝦區，釣魚區，兒童玩樂區（免費或收費區。）收費區兒童玩樂有電動車及跳彈床波波池等，還有小動物區🌸燒烤區範圍都比較大，有很多座位及枱，店員會幫忙弄起火爐，期間只需要自己加彈就可以，因為這裏是任食的，在雪櫃內可以看到不同的肉類及魚類還有蔬菜類，小編特別喜愛燒雞翼及雞扒。🌸小賣部有多款雪糕，棉花糖，一些小玩具，還有多款飲品，小編特別喜愛自家製涼茶（菊花蜜）好適合燒烤時解熱氣的。🌸釣蝦區掉了大頭蝦，非常容易吊得起連小朋友都可以玩的，大頭蝦即時處理再放上火爐上燒來吃，大頭蝦內的膏爆曬出來非常惹味。🌸兒童樂園區，如要玩電動車$40可玩9分鐘，小朋友可以自己駕駛，或大人用遙控幫助他控制也可以，小朋友玩到不亦樂乎。跳彈床及波波池這區就$50任玩，可以給小朋友在這裏放電。🌸撈金魚是用傳統的紙去撈，小朋友初次接觸覺得很新奇，金魚也非常生猛。$40/8紙網🌸小動物區有山羊及龜。如想餵小動物，就可以在小賣部購買$20.紮青草。又可以同山羊互動。還可以買套票（電動車、跳彈床、波波池、撈金魚、餵小動物青草）$130/張
繼續閱讀
富來休閒農莊🦞@fuloileisurefarm秋冬季節正係去戶外活動嘅最佳時機🍂 揀呢個休閒農場就係提供晒一應俱全嘅設施🤘🏼唔洗晨早去霸爐同準備食物飲品嘅麻煩，小朋友又有好多野玩，仲有最緊要嘅係廁所夠乾淨🤓 🚽成人燒烤🍖BBQ嘅話一個價錢包晒任食各款食物，仲包一罐汽水一支水🥤 仲有自家製嘅無糖涼茶，雞骨草同白花蛇舌草🌾 食多幾隻燒雞翼都唔怕熱氣🧉 如果仲想添啲小食，呢度亦有售賣棉花糖，薯片同杯麵，有啲價錢仲平過啲大超市，抵過喺出面搬入嚟📦場內仲有一片無敵大草地，俾小朋友自由跑跳⛳️ 亦有巨型飛行棋♟️歷奇設施，千秋同沙池🧗🏻 仲可以餵羊親近一下小動物🐐 紙網撈金魚、釣蝦同釣魚，設施豐富，絕對唔會悶！如果鍾意玩機嘅話，籃球機同彈珠機都係幾蚊一局🔮 仲有電動車畀9歲嘅小朋友體驗揸快車，感覺好似係場賽車比賽咁🏎️ 真係唔同年齡層都可以開心過一日！講到釣蝦，啲蝦成隻手咁大🦐 沖洗乾淨後只需沾上鹽，燒十分鐘左右就食得。隻隻都爆膏🌋味道非常鮮美！職員亦會教你點樣釣蝦，輕鬆上手，無論大人定小朋友都可以玩得開心😌由於設施多樣，即使唔係每一項都啱自己，呢度仲有唔同嘅package可以選擇，或者單項收費，都可以根據自己嘅需要揀啱心水嘅活動，十分靈活😎
繼續閱讀
終於等到秋涼啦，又係去BBQ嘅好時候。上星期朋友去完元朗富來休閒農莊燒嘢食大讚超多遊樂設施，啱晒一家大細嚟吃喝玩樂。 由元朗鳳琴路體育館坐601小巴坐15-20分鐘去到水尾村，再步行5分鐘左右就到達。如果想自己揸車嚟亦得，門口有好大笪地可以免費停車。 呢度假日收費每位只係$178，每人包1支水同1罐汽水。入場時候可以揀用網燒，又或者用燒烤叉燒，之後職員就會幫手set爐，非常方便。 呢度環境都好大，除咗有bbq之外，亦有幾間冷氣VIP房，有得打牌同唱K🀄🎤，大房$1500／5小時，細房就$1000／5小時，歡迎團體聚會。 小朋友嚟呢度真係勁多設施可以玩， 首先呢度有好大片草地，有免費足球⚽️、充氣迷宮、超大型飛行棋，另外都有啲收費項目，包括跳彈床，揸電動車，撈金魚，籃球機🏀，夾公仔🧸，完全啱晒小朋友放電。 除咗滿足小朋友嘅需要，大人亦都可以玩下釣魚、釣蝦。 啲蝦都算幾大隻，而且都好容易釣。釣完可以去加啲海鹽燒嚟食。嘩！正呀，仲要超爆多膏！ 食物方面選擇都算ok，肉類、蔬菜、丸類、多春魚、腸仔、燒賣等等，啲肉都醃得好入味。基本嘅蜜糖🍯、牛油、蒜蓉等醬料都有齊。 附近亦有洗手盆，方便清潔。洗手間格數都多，而且都算乾淨企理。 臨近聖誕節🎅，有聖誕裝飾，而且到咁上下時間仲有噴雪效果❄️，大人小朋友都玩得勁開心🤩。
繼續閱讀
每逢週末又要諗下帶小朋友去邊度放電好，今次就嚟到富來休閒農莊，一個地方有得玩又有得食，大人細路都岩玩😆原本都怕天氣熱，bbq咪熱到暈？！點知除左有蓋鐵皮遮左太陽之餘仲掛左好多把大風扇吹住，風力十足唔焗又唔熱🌬️套餐包食物任食，一罐汽水+一枝樽裝水，入場可以揀埋用叉燒定網燒~我地咁懶緊係用網燒啦，揀好位置就可以搵職員幫手開爐啦！食物都唔錯，一般bbq必食嘅都有提供，我覺得雞扒同雞翼都幾入味，而重頭戲就緊係釣蝦啦，新鮮大頭蝦即釣即燒🤩我地都係第一次體驗，職員教授技巧在於勾蝦尾🦐~啲蝦真係生猛，有幾次釣到都比佢跳走左，大人細都釣得好興奮😂釣完職員就會教你用竹籤串住啲蝦，加鹽就燒得，生鮮蝦，果然零舍不同，仲勁多蝦膏😍我地買埋遊戲套票（$130），所以小朋友係等食期間就四圍跑去玩，攀爬架，獨木橋，跳彈床等等唔限時任玩，重點係啲設施保養得好好，連波波池都好乾淨👍套票仲包括揸電動車、餵動物（陸龜+羊）、8個撈金魚網，而家夏天仲會開埋泡泡機，一班小朋友超興奮，打卡都好正，早知就帶多套衫啦😂小朋友真係玩到樂而忘返，掛住玩，野都唔洗食啦。廁所衛生情況良好，仲見到有浴室，一問之下果然呢度可以露營嘅♥️岩哂平時玩開露營嘅我，仲有咁多野玩，小朋友一定唔怕悶啦！門口仲種左好多蔬果植物，我仲加$10換左枝佢地自家出產嘅柑桔蜜，清甜消暑一流呀👍買嘢嘅時候仲聽到旁邊小朋好興奮咁話：摘咗個大檸檬$5一個,好抵呀😆呢度真係好好玩，差啲玩到唔捨得走。溫馨提示：戶外地方玩記得做好防曬防蚊措施啊！
繼續閱讀
今個weekend，去左元朗呢個農莊喪玩！由朝早10點營業到夜晚10點，包你玩到唔捨得走～✦ 牛排：厚度足！肉味濃郁，簡單用鹽調味已足夠 ✦ 多春魚：新鮮肥美，燒到脆皮爆籽超正 ✦ 三色椒/茄子：蔬菜種類多，清洗乾淨無沙 ✦ 魚腐：全場MVP！外脆內軟，魚香突出（必encore） ✦ 其他：腸仔、丸類款式多！仲有雞排、豬排🥩等等 ！食肉獸福音🦐 釣蝦體驗-越南蝦隻隻爆膏，蝦膏甘香濃郁 ，蝦身爽彈，燒烤後不需調味已鮮甜 ，釣蝦區有遮蔭，唔怕曬到燶 玩樂設施電動車車款新淨，撈金魚區有工作人員協助小朋友 ，仲有得蕩千秋，拋圈圈等等，好啱小朋友放電。 $200左右價位來說，肉類質素超越一般任食BBQ場 ，釣蝦體驗加分，市面單玩都$100+！
繼續閱讀