影片
更多
2017-04-18
194 瀏覽
見咁耐冇食韓國野，襯復活節假期睇完戲就去到銅鑼灣，第一次食呢間Dodam雞，質素唔錯喎！Dodam Chicken位於利舞臺廣場，睇番介紹，出品來自兩大韓國品牌 - Hwaggudak + Dodam結合而成。餐廳位置唔少，但有唔少人都經網上訂座，多半位置都hold起左，所以如果想食的話，不妨先用app訂座，可以省卻等候時間。同大部分韓國餐廳有少少唔同，店員並唔係清一色韓國人/年輕人，有部分明顯年紀較大，講嘅係廣東話、英文，溝通冇難度。而無可否認，我覺得佢地相對有禮。餐牌選擇豐富，有沙律、拼盤、小食、焗烤雞、炸雞、薄餅、韓式主食，例如年糕、海鮮湯烏冬、豬肋骨等，定價中上。因為得有兩個人，得知烤雞份量頗多，所以我地只可以點一款雞加一款主食，否則會太飽兼唔符合預算。香蒜焗烤雞 $188焗烤雞方面，餐廳有9款。平時食韓國野就必定會有炸雞，但焗雞就唔係間間供應。印象中只係喺EXO代言嗰間食過，佢地嘅蜜糖烤雞係好味，食焗雞感覺冇炸雞咁熱氣，雖然一樣邪惡，但自我感覺良好。香蒜焗烤雞一共有13件，基本上就係全隻雞，乜部位都有，雞脾、雞翼、雞胸。烤雞幾好肉地，而且雞肉比炸雞滑溜，經過烤焗，油份唔會好多
Dodam Chicken位於利舞臺廣場，睇番介紹，出品來自兩大韓國品牌 - Hwaggudak + Dodam結合而成。
餐廳位置唔少，但有唔少人都經網上訂座，多半位置都hold起左，所以如果想食的話，不妨先用app訂座，可以省卻等候時間。同大部分韓國餐廳有少少唔同，店員並唔係清一色韓國人/年輕人，有部分明顯年紀較大，講嘅係廣東話、英文，溝通冇難度。
而無可否認，我覺得佢地相對有禮。
餐牌選擇豐富，有沙律、拼盤、小食、焗烤雞、炸雞、薄餅、韓式主食，例如年糕、海鮮湯烏冬、豬肋骨等，定價中上。因為得有兩個人，得知烤雞份量頗多，所以我地只可以點一款雞加一款主食，否則會太飽兼唔符合預算。
香蒜焗烤雞 $188焗烤雞方面，餐廳有9款。平時食韓國野就必定會有炸雞，但焗雞就唔係間間供應。印象中只係喺EXO代言嗰間食過，佢地嘅蜜糖烤雞係好味，食焗雞感覺冇炸雞咁熱氣，雖然一樣邪惡，但自我感覺良好。
香蒜焗烤雞
$188
18 瀏覽
0 讚好
0 留言
烤雞幾好肉地，而且雞肉比炸雞滑溜，經過烤焗，油份唔會好多，肉汁適當保留，食落完全唔乾
雞皮微微帶脆，唔會過燶，除左經香蒜調味，面頭仲有少量蜜糖，非常惹味，最重要係唔係得層皮有味，雞肉都浸入調味，冇食炸雞咁dry。
所以有烤雞，我都會揀烤雞的。
店員同時送上醃蘿蔔，酸酸地解膩一流。
醃蘿蔔
18 瀏覽
0 讚好
0 留言
因為得兩個人，所以只係點左一款主菜，本來見隔離枱海鮮湯烏冬好似幾正，但份量不少，我地只好點份炒年糕試下。
炒年糕賣相唔錯，呈橙紅色，份量都唔少。醬汁大方，幾乎淹沒年糕、海鮮。遷就港人口味，食落唔會好辣，都算好接近喺韓國食到嘅水準。
海鮮炒年糕
$158
23 瀏覽
0 讚好
0 留言
海鮮炒年糕
$158
29 瀏覽
0 讚好
0 留言
青口有三粒，唯size較細，冇乜肉食。
海鮮炒年糕
$158
7 瀏覽
0 讚好
0 留言
YUJU yogurt smoothie $68
Apple Cider $48
結合價錢，飲品比想像中細杯，不過我點嘅柚子smoothie味道唔錯，由於加入乳酪，飲落不至於完全係沙冰，比較滑身，柚子味香而假，特別食完烤雞、重口味年糕，其實幾解膩、舒緩
YUJU yogurt smoothie
$68
25 瀏覽
0 讚好
0 留言
Apple Cider
$48
17 瀏覽
0 讚好
0 留言
所以成日都話，食韓國野真係點都要約多幾個朋友，否則好似我地咁，點兩樣野已經飽到傻仔。
推薦呢度嘅烤雞，味道相當唔錯，而且款式唔少
話就話怕熱氣啫，見到隔離枱左炸雞、薄餅，都好想食呢！
餐牌：
張貼
