立鮨 (安富大廈) (已結業)

來到荃灣路德圍，見到有立鮨，估唔到開到黎荃灣！仲更加估唔到就係唔使企住食，有得坐啦，雖然有d背道而馳，但我更欣賞呢個貼心服務！令用餐過程更舒適，QR code落單，更精澤更方便！水母刺身，清新爽脆，口感覺就d似豬軟骨既感覺，配上特製醬油，帶點麻油香，幾開胃既小食！迷你魚籽海膽杯，性價比夠高，2片海膽厚厚，味道非常鮮味，完全沒有怪味，鮮味十足！魚籽粒粒晶瑩剔透，魚籽爆開既汁好鮮甜又爽口，底層有海帶條，整體好有層次感！活赤貝壽司，身鮮爽彈，證明夠哂新鮮，介花既刀功更令赤貝更有口感。瀨尿蝦配蟹膏櫻花蝦壽司，幾特別既創作壽司，瀨尿蝦肉夠厚身多肉，質感非常，而家幾嫩，櫻花蝦增加咸香感覺！吞拿魚腦天壽司，幾矜貴既一 part, 口感異常鮮嫩！入口即溶既感覺，topping更上京葱，更有提鮮感。螢光魷魚軍艦，時令飛機貨，味道夠濃，但非常新鮮，好正既廚師推介。整體好好食，壽司飯而調好味，飯香幾正。