蒲東小館 (天耀廣場)

營業中

休息中

我有日行話天耀，見到呢間食上海菜館新開張，門口唔多人排隊，打算入內試新嘢，我拎飛後，等左幾個聽到叫我號碼。侍應準備帶位時，有位亞叔走出黎，手上拎住張飛，亞叔話：我都未入坐，我張飛前你一個號碼，跟住個亞叔自己坐左去張2人位到，侍應就叫我搭台，點知去到第二張台，又話坐滿人，叫我出返門口等陣，我話要返張飛等位，侍應已經把我張飛整巢晒，話下一張到你，咁我又繼續等。坐位安排好混亂⋯點知等多5分鐘左右無位，我已經肚餓，當時只想試新菜，又唔知等幾耐，我心諗都係轉做外買，又到下午茶時間，應該好快有得食，點知叫一個擔擔麵加，飲一杯豆漿，加一個鍋貼，總共要$70⋯⋯我叫完後食物後，個侍應無再叫我入坐，已經跳左下一個號碼，唔知道佢係唔記得咗我，還是知道我改叫外賣⋯我攞左外買直接返屋企，一打開擔擔麵，食左2著，只覺得個辣，無其他味，個麵已經林晒，個鍋貼都係麻麻地，杯豆漿倒瀉左一半，好淡唔夠甜，無咩豆香 我要過多一排，有改善再試吓！