蒲東小館 (天耀廣場)

營業中

休息中

有朋友介紹，咁就一齊食好西🤝啦！［食後感]📝1. 瑤柱蛋白炒飯🍚✔️簡單又矜貴，粒粒分明，滲出瑤柱鮮香♨️2. 雪菜肉絲炒年糕✔️營養價值豐富的上海菜，軟糯不爛🤤3. 菜肉雲吞麵🍜✔️白菜、豬肉比例適中，雲吞皮透薄，內餡的豬肉和蔬菜，比例適中，咬開有肉汁💦，吃得出白菜本身甜味，豬肉沒過份調味，加上湯底清鮮，帶點蝦🦐殼熬製的味道，啖啖肉4. 豆沙鍋貼🫘✔️底脆面軟，清新香甜😋5. 小籠包✔️以豬肉製造，即叫即蒸🔥，湯汁鮮美

岩岩先知天水圍開咗間上海舖，近近地就過嚟試下，叫左兩個午餐，一個津白肉絲湯年糕，一個排骨擔擔麵（排骨炸到好乾，湯底都可以，夠味，麵就煮得淋左，無乜口感），午餐跟小食，叫左小籠包同生煎包（正常發揮，小籠包好食啲），另外散叫左一個炒鱔糊（賣相麻麻地，較為濃味，岩送飯），最後整多個豆沙窩餅，食物出品都ok，出餐超快，食物上到枱夠熱，抵讚👍座位都算闊落，冷氣就差少少。星期六中午坐爆曬，算好叻。埋單$350 兩大一細。

估唔到喺天耀裡面竟然開咗間咁高質嘅上海菜館最近成日喺天水圍活動天耀天盛嘅食店都食到有啲厭早幾日聽哥哥講去咗呢間上海菜館食咗個二人餐幾好食第二日就同媽媽去試吓去到門口見到勁多人心諗應該有排等點知嗰啲都係大枱我哋兩個人即刻有位我哋兩個真係食唔到個二人餐最後我哋叫咗平時都會叫嘅皮蛋豆腐媽媽話佢啲皮蛋買得靚我都覺得好好味豆腐就到到差唔多手抓蔥油餅又係我嘅最愛真係超級無敵咁好味麻醬雞絲撈麵真心覺得到到都差唔多媽媽覺得幾好食佢平時都好少食呢啲兩個唔係咁大食嘅人已經足夠飽下次會想試吓佢個二人餐

第二次食了，是性價比高的上海菜，環境舒適，座位闊落。推介松子魚，鲜肉小籠包，蟹粉海皇羹，四川擔擔面，牛肉生煎包，炸饅頭等都好有水準，值得一試。是日，松子魚仲做特價，非常抵食。

第二次黎，上一次係食夜晚，今日試下午餐。午市套餐有小食+主食(粉麵/飯)+飲品▪︎嫩雞煨麵▪︎ $68個湯奶白色，清清地，一黎都幾大碗，細食既朋友真係要Share先得，菜粒同雞都算足料，味道正常唔算太咸，真係清清地，食完唔口渴應該無味精@@，不過個麵條質地比想像中過淋，如果麵底爽返少少會比較好食。跟餐跟左小籠包，味道正常發揮，一咬有湯流出黎，夠熱，不過佢個醋唔係平時食個種，有小小酸點黎食都唔係好帶出到個味。跟餐熱奶茶，味道OK。▪︎鍋貼▪︎ 跟餐+$18加多左個鍋貼，個人覺得可以唔使叫，味道麻麻，同個皮有點硬身厚粉既感覺。▪︎酸辣湯▪︎ 跟餐+$18加優惠價都叫左個酸辣湯，一飲落去都算好酸下.......唔係太食到酸或者唔好酸朋友切勿叫呢個。佢比起平時出去食個種再酸多2倍.......我唔知係今日打風所以品質唔同左定係平時都係咁......▪︎樟茶鴨▪︎ 跟餐+$38聽店員講係滷水鴨烘乾再烘乾，味道食落咸香，反而我又食唔出好滷水既味道，但佢面皮脆，肉質嫩，都唔錯。午餐套餐有小食有主食同野飲，都可以再黎既。今日見都幾滿場，有唔小人幫襯，住係附近都可以一試。

在天耀商場新開張，原來已經第3分店啦，蟹粉炒年糕同老壇酸菜魚。蟹粉炒年糕的年糕口感彈牙，配上豐富的蟹粉🦀️，口感鮮美仲好似有魚味咁😅。而老壇酸菜魚的魚肉鮮嫩🐟，入面仲有幼薯粉，萵筍同埋娃娃菜， 搭配上酸菜湯汁，口感清爽開胃，尤其是在夏季品嚐更是一流，係覺得酸菜少左d🤔整體而言，兩道菜肴都口味清新不油膩，十分值得一試。如果喜歡上海菜，不妨去試試看這兩道菜。🤓初體驗，整體黎講服務都算OK🤔冇話好差

幫襯里間新開上海店，之前平日食過都ok，lunch有餐都唔錯，所以假期一家人落去幫襯。中午預早行快去到拎位，職員問家人幾點到，我話10分鐘行緊黎，點知佢過一陣好無禮貌咁行黎話：“你未齊人要起身。”我一家人10分鐘都唔夠就到，費事又轉場，同該職員講返話轉頭叫返餐，佢就黑晒面咁走開。轉頭十分鐘齊人啦，叫左人頭咁多餐，佢d嘢都大碟，最後食唔晒包走埋。入黎又無話要齊人，入到黎等又黑面。講完服務講嘢食，佢地個炒回鍋肉粗炒，蛋白炒飯，幾好食。小食就小籠包，春卷ok，其他試過都唔特別。

我有日行話天耀，見到呢間食上海菜館新開張，門口唔多人排隊，打算入內試新嘢，我拎飛後，等左幾個聽到叫我號碼。侍應準備帶位時，有位亞叔走出黎，手上拎住張飛，亞叔話：我都未入坐，我張飛前你一個號碼，跟住個亞叔自己坐左去張2人位到，侍應就叫我搭台，點知去到第二張台，又話坐滿人，叫我出返門口等陣，我話要返張飛等位，侍應已經把我張飛整巢晒，話下一張到你，咁我又繼續等。坐位安排好混亂⋯點知等多5分鐘左右無位，我已經肚餓，當時只想試新菜，又唔知等幾耐，我心諗都係轉做外買，又到下午茶時間，應該好快有得食，點知叫一個擔擔麵加，飲一杯豆漿，加一個鍋貼，總共要$70⋯⋯我叫完後食物後，個侍應無再叫我入坐，已經跳左下一個號碼，唔知道佢係唔記得咗我，還是知道我改叫外賣⋯我攞左外買直接返屋企，一打開擔擔麵，食左2著，只覺得個辣，無其他味，個麵已經林晒，個鍋貼都係麻麻地，杯豆漿倒瀉左一半，好淡唔夠甜，無咩豆香 我要過多一排，有改善再試吓！

老闆完全沒有禮貌，訂位時沒有說明要打電話確認，到店時表示因為我們沒有接電話，所以等如放棄，給一張4人桌，還覺得理所當然。3間老闆果然不在乎多一個客人，少一個客人。

雖然係午餐時間，但係堂食又唔多人，外賣得我一張單都等咗35分鐘，先可以攞到個外賣津白肉絲炒年糕，一食明顯感覺年糕煮過龍淋到完全冇咗年糕煙韌嘅口感回鍋肉粗炒，食到一半，有張白色嘅膠紙本身自己好鍾意食上海嘢，今次都係第二次幫襯但係今次真係好失望

早幾日假期，打算五點幾落去試下新開張嘅晚巿，去到門口已經有唔少人排隊等位，所以下次食晚餐就要早啲拎飛✔️入座後叫咗小籠包，拍青瓜，蟹肉蟹糕炒飯（唔記得全名😝）同埋酸菜魚走辣🔥我地覺得炒飯整得好好食，飯粒薑粒同蛋絲炒得好靚，夠乾身同唔油，汁中見到有蟹糕，啱哂一家人去食👍🏻小籠包同拍青瓜就中規中矩，小籠包湯味唔錯，包皮再薄多少少就更好；拍青瓜唔夠醋酸味，食落得返鹹味老公滿心歡喜叫酸菜魚🐟，但最後係失望而回。唔知係咪叫咗走辣，上菜時賣相ok，但一食萵荀，無味，再食薯粉，又係無味，俾多次機會，食埋大豆芽，好淡嘅湯味，試埋啖湯，同清湯無分別，無酸菜魚嘅味，就算食完一鍋，鍋中食物都吸唔到味，好可惜🫠我地平日有去附近餐廳食酸菜魚走辣，味道依舊有酸菜魚湯底嘅味道，所以食完今次呢鍋酸菜魚，我地暫時唔會幫襯，開張後過一段時間，我地再考慮黎食🥹

見最近天耀新開左分店，11/5已經親身去左book 左母親節當日6點正。我地所有人準時6點去到餐廳，但門口接待處鬈髮阿姨話取消左我地張booking，佢話打左兩次電話俾我地都無人聽，所以俾左我地張枱人。 佢地打第一次，我媽媽無接聽，因為以為係廣告電話。佢地打第二次，我媽媽即刻聽，但佢地即刻cut 左線，我媽更加確定係廣告電話,兩次都係3字頭電話。我地有同接待處鬈髮阿姨講返我地唔知係佢地打黎，但接待阿姨不停話我地唔接電話，之後接待阿姨承認左佢打第2次果陣因為有人埋單，所以佢cut 左我地線，但又無打返俾我地。之後話佢地唔會留言，更反問我地點解唔識打返去俾佢地，態度十分不友善。佢話有人走就會俾張枱我地，我地企左係佢前面，佢都俾左張枱第二位客人，我地再次問佢，佢又話下一張枱俾我地。最後我地book 左6點正，但要等到18:40先可以入座。唔明book 枱係有咩意義….入到去食野，入面員工除左接待嘅鬈髮阿姨，個個都好有禮貌，人雖然多，可能有啲亂，但都經常會幫我地加茶，所有野都跟足。 希望餐廳可以好好培訓下佢地嘅人手…….

開業應該已經超過一個星期，星期六不需要返工，便在中午時間去光顧。入座需要領票。一段小插曲是枱面有一個裝滿食物殘渣的碗，令人懷疑沒有清理枱面便安排食客入坐。已經令我不悅。我預先獲侍應回覆可以堂食同時叫外賣。今次點了自己一份午市套餐，另外外賣一份午市套餐。食物味道及品質絕對好吃。我沒有半點批評。我吃完整份套餐後，外賣仍然未到。兩次追問，當中侍應表示那份外賣已經正在包裝入袋中。一段時間後，侍應又來表示有侍應以為是街客外賣，在冇人認領之下已倒掉了！（嘩！）侍應更表示需要重新製作。於是我大表不滿向侍應表示，廚房5分鐘可以完成嗎？當那份套餐拿出來時，待應是有道歉（一定要啦）。我亦在此提點她，雖然沒有其他侍應表示有堂食客人同時叫外賣，為何不能夠查單知道這份餐是堂食的顧客落單呢？要等也沒有辦法。不過回家後竟然是兩份外賣套餐。當時取外賣怎會想到會再一次出錯？自己不會再核對外賣是否正確。莫非侍應為了應付我而攞咗人哋外賣？兩個餐呀！不能理解。埋單時收銀員似乎未有看清楚張單（共兩張，一張是食物收費，另一張是另外收食物盒4個，共$4及合計總金額）。她竟然說外賣要另外加收外賣盒錢。我當然指出錯誤。更令人哭笑不得的

排隊要排成個鐘，等食嘅話就等半個鐘，食唔夠20分鐘，難食到唔想等多1分鐘一個字貴，另外一個詞難食大家貪心新嘢，就嚟試一下結果佢比一個樂天王朝同鼎泰豐嘅價錢食一個俾我喺超級市場買嘅急凍食物仲要差嘅質素 兩個人$227 仲要係屋村商場呢個係咩概念 本來我都覺得唉算吧啦最後真係忍唔住留個言 究竟佢可以開幾耐小籠包超級差 $42 4隻生煎包 差 $42 3隻酸辣湯 超細碗 $30炸銀絲卷 我以為自己食緊炸饅頭 $38腰果宮保雞丁麵 麵餸分離 $65