影片
更多
2025-03-21
60 瀏覽
《拉麵Jo》特製醬油拉麵🍜📍銅鑼灣加路連山道3號地舖應該好多拉麵迷都知拉麵Jo同尖東老店麵屋一平安嘅關係，而我因為層响尖東返工，可以算係一平安嘅常客，對拉麵Jo有著青出於藍嘅期待。香味 (3/5)睇呢款麵嘅簡介，佢話係用左多種魚乾製成嘅醬油，再加自家製海鮮油，我預計聞落會有相當足充嘅魚介味，不過又唔多聞得出，主要都係醬油香，紫菜同洋蔥嘅香味為主，都算好聞嘅。湯 (3.5/5)湯色非常靚，而且香油令佢睇落令立立，有一種高級感，第一印象贏左。飲落第一口，除左醬油鹹鮮味，都有魚介鮮味同蔬菜甜味。不過鮮味係夠濃，但風味有 d 似即食麵，我理解為店家選用嘅醬油入面同即食麵入面嘅味粉有著相近似嘅添加劑，即味精，所以味道有類似。我認為就算有味精都唔一定係壞事，用得洽到好處其實係 ok。整體來講呢款湯係好味嘅，但未去到驚艷程度。麵條 (3/5)中細麵，直身，都好常見。麵嘅小麥味道一般般，口感都係一般般，正常發揮啦。配料 (2/5)先講叉燒部份。雞叉燒柴，豬肩肉似慢煮但唔嫩又有筋，豬五花夠腍但散，有唔少進步空間。溏心蛋就算正常發揮，筍就有渣，難以enjoy到。整體 - OK但不推薦。 睇來阿仔要跟老媽再
📍銅鑼灣加路連山道3號地舖
應該好多拉麵迷都知拉麵Jo同尖東老店麵屋一平安嘅關係，而我因為層响尖東返工，可以算係一平安嘅常客，對拉麵Jo有著青出於藍嘅期待。
特製醬油拉麵🍜
$98
0 瀏覽
0 讚好
0 留言
香味 (3/5)
睇呢款麵嘅簡介，佢話係用左多種魚乾製成嘅醬油，再加自家製海鮮油，我預計聞落會有相當足充嘅魚介味，不過又唔多聞得出，主要都係醬油香，紫菜同洋蔥嘅香味為主，都算好聞嘅。
湯 (3.5/5)
湯色非常靚，而且香油令佢睇落令立立，有一種高級感，第一印象贏左。飲落第一口，除左醬油鹹鮮味，都有魚介鮮味同蔬菜甜味。不過鮮味係夠濃，但風味有 d 似即食麵，我理解為店家選用嘅醬油入面同即食麵入面嘅味粉有著相近似嘅添加劑，即味精，所以味道有類似。我認為就算有味精都唔一定係壞事，用得洽到好處其實係 ok。整體來講呢款湯係好味嘅，但未去到驚艷程度。
麵條 (3/5)
中細麵，直身，都好常見。麵嘅小麥味道一般般，口感都係一般般，正常發揮啦。
配料 (2/5)
先講叉燒部份。雞叉燒柴，豬肩肉似慢煮但唔嫩又有筋，豬五花夠腍但散，有唔少進步空間。
溏心蛋就算正常發揮，筍就有渣，難以enjoy到。
整體 - OK但不推薦。
睇來阿仔要跟老媽再好好學習。過多一排，如果經過我會再試嘅。
張貼
