影片
更多
2021-11-08
1090 瀏覽
因為朋友太太同我太座生日日期只係相差7天，所以一早約定今晚一齊慶祝，朋友介紹呢度私房法國菜唔錯，所以決定一試✌️餐廳喺一間商廈23樓，地方不算大但裝修雅致舒服，今晚只有我哋4人所以變相包場，坐喺窗邊望到外邊夜晚街景，都覺得幾舒服👍今晚套餐有三個選擇，而家前菜、湯、主菜甜品等都有好多選擇，我哋決定食四道菜晚餐，每樣揀啲咁就可以同老婆試多幾款菜式😂老闆 好 nice，佢先準備好多款麵包上枱，仲特別加多每人一份法國鹅肝醬點麪包食，所以叫我地前菜唔使揀鵝肝醬配多士，咁咪差唔多送多半份前菜俾我地😂 。麵包好軟身好香，配鵝肝醬或者芝士牛油黎食非常好味😋前菜我哋分別選擇咗「阿根廷紅蝦配帶子」及「松露炒蛋配西班牙火腿」，蝦同帶子都好鮮味，配埋沙律菜同熱情果汁食，幾醒胃嘅；至於個松露炒蛋都非常香滑，西班牙火腿亦好惹味😋「龍蝦湯」同「雜菌湯」都係每款一個，兩款味道中規中矩，雖然冇乜大驚喜但仍可以接受主菜我哋揀左「法式焗油封鴨髀」及「焗澳洲羊架」，呢兩個主菜做得非常好味，特別係個法式焗鴨髀，皮焗到鬆化而肉又多汁，而羊架亦都焗到恰到好處，再加上佢嘅配菜有茄子、蕃茄及薯蓉，撈埋啲醬汁真係好夾好滿足老闆 話甜品
餐廳喺一間商廈23樓，地方不算大但裝修雅致舒服，今晚只有我哋4人所以變相包場，坐喺窗邊望到外邊夜晚街景，都覺得幾舒服👍
今晚套餐有三個選擇，而家前菜、湯、主菜甜品等都有好多選擇，我哋決定食四道菜晚餐，每樣揀啲咁就可以同老婆試多幾款菜式😂
老闆 好 nice，佢先準備好多款麵包上枱，仲特別加多每人一份法國鹅肝醬點麪包食，所以叫我地前菜唔使揀鵝肝醬配多士，咁咪差唔多送多半份前菜俾我地😂 。麵包好軟身好香，配鵝肝醬或者芝士牛油黎食非常好味😋
前菜我哋分別選擇咗「阿根廷紅蝦配帶子」及「松露炒蛋配西班牙火腿」，蝦同帶子都好鮮味，配埋沙律菜同熱情果汁食，幾醒胃嘅；至於個松露炒蛋都非常香滑，西班牙火腿亦好惹味😋
阿根廷紅蝦、帶子配熱情果牛油汁
95 瀏覽
0 讚好
0 留言
松露炒蛋配西班牙火腿
71 瀏覽
0 讚好
0 留言
「龍蝦湯」同「雜菌湯」都係每款一個，兩款味道中規中矩，雖然冇乜大驚喜但仍可以接受
龍蝦湯
156 瀏覽
0 讚好
0 留言
雜菌湯
107 瀏覽
0 讚好
0 留言
主菜我哋揀左「法式焗油封鴨髀」及「焗澳洲羊架」，呢兩個主菜做得非常好味，特別係個法式焗鴨髀，皮焗到鬆化而肉又多汁，而羊架亦都焗到恰到好處，再加上佢嘅配菜有茄子、蕃茄及薯蓉，撈埋啲醬汁真係好夾好滿足
法式焗油封鴨髀
67 瀏覽
0 讚好
0 留言
焗澳洲羊架
67 瀏覽
0 讚好
0 留言
老闆 話甜品我哋唔使揀，因為佢會幫我地準備，最後原來佢用「法式糖霜」同「凍朱古力」拼左個拼盤出嚟寫上生日字句俾我太太，非常細心抵讚，個法式糖霜做得好掂，如果大家有食過麥提莎朱古力，法式糖霜個口感就類此麥提莎果隻感覺😄
法式糖霜配鮮果➕凍朱古力餅配雪糕
58 瀏覽
0 讚好
0 留言
今晚大家都食得好滿意好開心，其實要食一餐開心嘅飯，想得到一個滿意效果，係要有綜合因素配合先可得到，包括「餐廳環境、服務者態度、食物質素、好朋友/家人」等，真係缺一不可，今晚大家慢慢食、傾下計，飲左一支香檳一支紅酒，好快就過左兩三個鐘，btw 老闆 呢度仲免我哋 corkage ，多謝晒🙏
張貼
