味道樂居酒屋 (元州街) (已結業)

一向食日本野都鍾意去居酒屋，除左氣氛好，食物既款式同質素都比放題好！今日我同朋友就受其他朋友推介下搵食搵到黎長沙灣，一入黎見到呢到既裝修充滿日式懷舊居酒屋風格，再加上地方唔算太大，感覺就更加似日本既居酒屋小店。呢到既食物款色都幾多，無論刺身、壽司、串燒或料理都有好多款式可以揀。我地今日就主要食串燒同料理為主。首先就有七味魚翅漬物 ＄68，呢個其實係燒魚乾，開頭見佢咁乾身都驚佢會好硬，但食落又唔會喎而且好香口，配唔配沙律醬都好夠味。 唔係好多居酒屋有白鱔 串燒食，見到呢到有汁燒大白鱔 ＄68即刻點左。 而呢個大白鱔都好出色，肉質肥厚同嫩滑，同埋個燒汁都好好味。芝麻雞翼 ＄58 呢就外面脆薄，肉質嫩滑，同埋本身都好夠味。 而黑蒜黑豚肉卷 ＄48都唔錯，豚肉唔會好韌而且仲好爽口。 全晚最期待一定係呢份原條成田醬炭火燒鰻魚飯 ＄128，條鰻魚真係有成2x cm 長，而且仲好肥厚。鰻魚既外層有微微焦香，肉質嫩滑同較腍，秘制醬汁味道好濃郁，甜甜地好好味，配埋個珍珠米飯真係冇得輸。總括黎講，呢到既食物質素都幾高，價錢都合理，所以我覺得呢間小店都值得支持下！