老鍋台式火鍋 (京都廣場) (已結業)

行完SOGO 行到攰，媽媽想食火鍋，搵間好坐又好食嘅火鍋，係openrice 搵到呢間評語唔錯又咁啱係附近就上嚟食啦。位置好方便，係銅鑼灣地鐵站C出口，一出對面馬路京華廣場2樓就係老鍋啦…一出有個天燈許願區可以許下願，啲老人家最鐘意有啲花臣玩下又有得影下相就最開心。火鍋價錢唔係特別貴，先嚟揀湯底先，有6款以上選擇，同媽媽嚟咁係揀養生鍋啦（$228）內有多種名貴藥材，人參，火腿老雞同豬肉精心肴製而成，果然上枱好香人參味，啲料都好多，有粟米，蜂巢凍豆腐，冬菇，紅棗，圓肉杞子等等。食火鍋點少得牛肉，我地叫左個精選手切牛肩肉（$198）新鮮又夠牛味，因為係牛肩肉，所以脂肪唔多，反而好好咬口又唔韌，唔錯。三秒響鈴卷（$68）新鮮即炸，好脆又大隻，正。鵝肝墨魚丸併黑松露蝦丸（$58）半份鵝肝墨魚丸內有一粒小小鵝肝，味好濃配上墨魚丸好爽好咬口夠彈牙，黑松露蝦丸就香黑松露味蝦丸依舊爽口彈牙。叫左呢到出名嘅皇室魚肚（$88），有8大件，超厚身，淥完後索哂啲湯好好食。最後嗌左個限量冰菜（$68）高纖低卡豐富維他命B6,感覺健康啲加上翠綠賣相好靚，淥完都好爽脆。