影片
更多
2023-10-07
1359 瀏覽
今次係幾個朋友一齊去食飯，其中一個朋友提議嘅，響地鐵站行過去都算方便。去之前都冇諗過九龍城區會有一間比較高級嘅西餐廳，去到見到門面同裏面嘅裝修都覺得好有心，外觀方面係值得一讚嘅。而食飯中間嘅過程服務亦都非常之唔錯，感覺到佢哋嘅誠意同埋服務態度。食物方面係由其他朋友決定，所以可能啲食物名未必準確，請見諒。首先有嘅就係廚師沙律，特別在除咗煙三文魚之外，仲有雞肉同埋牛脷，所以識落嘅感覺都唔錯，沙律汁亦都好足夠。佢哋個蕃茄湯嘅口感亦都好紮實，蕃茄味就唔會太酸。海鮮拼盤都做得好有心機，啲鸚鵡螺肉已經整好晒出嚟，啲蝦亦都煎得好香，青口冇乜特別，魷魚方面佢哋係用啲比較細隻嘅，方便大家分享，跟拼盤嗰個汁都好好味。炸物拼盤，同埋個薯條都好新鮮，拼盤嗰兩個汁都好好味。估唔到嘅係炸雞鎚本身都幾辣，所以有一兩個朋友就冇食到，其他朋友就覺得幾野味。主菜方面，分別有意大利雲吞，同埋雞牛羊。意大利雲吞Porcini Tortellini 最有驚喜係佢個汁，味道濃郁得來又唔會好滯。雞肉嗰款係春雞，出到嚟雞皮好香同好夠味，雞肉好滑同埋幾Juicy。牛方面都好穩定，個人覺得佢稍為熟咗少少，收尾了解返先知道本身朋友係叫me
食物方面係由其他朋友決定，所以可能啲食物名未必準確，請見諒。首先有嘅就係廚師沙律，特別在除咗煙三文魚之外，仲有雞肉同埋牛脷，所以識落嘅感覺都唔錯，沙律汁亦都好足夠。佢哋個蕃茄湯嘅口感亦都好紮實，蕃茄味就唔會太酸。
海鮮拼盤都做得好有心機，啲鸚鵡螺肉已經整好晒出嚟，啲蝦亦都煎得好香，青口冇乜特別，魷魚方面佢哋係用啲比較細隻嘅，方便大家分享，跟拼盤嗰個汁都好好味。
炸物拼盤，同埋個薯條都好新鮮，拼盤嗰兩個汁都好好味。估唔到嘅係炸雞鎚本身都幾辣，所以有一兩個朋友就冇食到，其他朋友就覺得幾野味。
主菜方面，分別有意大利雲吞，同埋雞牛羊。意大利雲吞Porcini Tortellini 最有驚喜係佢個汁，味道濃郁得來又唔會好滯。雞肉嗰款係春雞，出到嚟雞皮好香同好夠味，雞肉好滑同埋幾Juicy。
牛方面都好穩定，個人覺得佢稍為熟咗少少，收尾了解返先知道本身朋友係叫medium, 所以都係完全冇問題。至於最後羊方面就係Lamb Shank, 燘得都幾淋，冇蘇味，香料嘅味道都幾出。我諗都會再返嚟試吓第二啲菜式。
張貼
